Salyq jáne kedendik ákimshilik salasyndaǵy memlekettik qyzmet kórsetýdiń sapasy nurotandyqtar nazarynda. Osy maqsatta partıa janyndaǵy Jemqorlyqqa qarsy is-qımyl jónindegi respýblıkalyq qoǵamdyq keńes músheleri eldegi keden beketteriniń jumysymen tanysyp júr. Kezekti baqylap-tekserý Almaty oblysyndaǵy "Qaljat" keden beketinde ótti. Keńes músheleri mundaǵy qyzmettiń qoljetimdiligine jaqsy baǵa bergenimen keıbir jaıttarǵa kóńilderi tolmady. Máselen, ótkizý beketiniń jumys jasaý ýaqytynyń qysqalyǵy júk tasmaldaýshylarǵa kedergi keltirgen, - dep habarlaıdy Qamshy.kz "Jetisý" arnasyna silteme jasap.
Qoǵamdyq keńes músheleri kólik júrgizýshileriniń óz aýzynan shekaradan kirip-shyǵýdyń mashahatyn surap bildi. Olardyń aıtýynsha qujattyq rásimdeý burynǵydan qaraǵanda áldeqaıda jeńildetilgen. Bári talapqa saı. Júkterdi kedenshiler kóp ustamaı ótkizip otyrady. Qyzmet kórsetýdiń qoljetimdiligin arttyrýǵa sebep bar. "Qaljat" keden beketinen taýar tasmaldaý kólemi jyl saıyn artyp keledi.
Máselen, 2015 jyldyń 8 aıynda 4570 júk kóligi ótken. Al bıylǵy jyl basynan bergi 8 aıda beketten taýar tasmaldaǵan kólikterdiń sany 5971 ge jetip otyr. Iaǵnı, júk tasmaldaý kólemi kóbeıgen. osy jyly kúnine taýar tıegen 33 kólikti qabyldap el aýmaǵyna kirgizip otyrdyq.
Munan tys beket arqyly eki el arasynda ary-beri qatynaǵan jolaýshylar sany da kóbeıgen. Osy jylǵy 8 aıda 3 jarym myńǵa jýyq jeke tulǵa "Qaljattan" kirip-shyqqan. Jyl basynan keden erejesin buzǵan 53 adam anyqtalyp, jaýapkershilikke tartyldy. Al ótkizý beketinde kontrabandymen kúres barynsha kúsheıtilgen. Ásirese, avtokólik quraldarynyń júk bóligin tekserý barysynda tasymaldanǵan taýarlardyń ataýy, sany, salmaǵy jáne quny qujattaǵymen sáıkes kelmeı jatady.
Al Májilis depýtaty Omarhan Óksikbaev júk tasmaldaýshylar úshin alańdaıdy. Qytaıdan ótip Qazaqstan kedenine kelgende mereke kúnderine týra kelgender birneshe kún boıy eki el shekarasynyń ortasynda qalyp qoıady eken. Aptasyna alty kún túski bir saǵat úzilisti qosa eseptegende , tańǵy 8 den keshki 5 ke deıin qyzmet kórsetetin bekettiń jumys ýaqytyn uzartý kerek deıdi halyq qalaýlysy.
Qoǵamdyq keńes músheleri keden beketiniń jumysymen bastan-aıaq tanysyp shyqty. Júk tasmaldaýshy jáne jolaýshy beınesine enip, memlekettik qyzmettiń qalaı kórsetiletindigin kórdi. Shekara jáne kedenshilermen suhbattasty. Kedendik resimdeýdi jedeldetý jáne jemqorlyqty boldyrmaýǵa baılanysty qolǵa alynǵan sharalarǵa qanyqty. "Nurotandyqtar" sheshimin tabýǵa tıisti ózekti máselelerdi qaǵazǵa túrtip aldy. Bul máseleler qazan aıynda ótetin respýblıkalyq qoǵamdyq keńestiń keńeıtilgen otyrysynda talqyǵa salynbaq.
