Jastar eldiń erteńi. Oblysy ákiminiń tapsyrmasy boıynsha ár aýdan-qalada táýelsizdiktiń 25 jyldyǵyna oraı jastar forýmyn ótkizý belgilengen edi. Búgin Jambyl aýdanynda atalǵan merekemen Jambyl Jabaevtyń 170 jyldyǵyna oraı aýqymdy mádenı shara ótti, - dep habarlaıdy Qamshy.kz "Jetisý" arnasyna silteme jasap.
Oǵan tanymal tulǵalar men óńirdegi belsendi jastar qatysty.
GÚLNAR ERMEKBAEVA JAMBYL AÝDANY ÁKİMİNİŃ ORYNBASARY
Táýelsizdikke 25 jyl jáne jyr jampozy Jambyl Jabaevtyń 170 jyldyǵyna oraı bir qatar belsendi jastar aýdan ákimdigi taraptan marapattaldy. Bulardyń biri sporttan, biri ónerden, biri olımpıadadan taǵysyn taǵy ár saladan jetistikke jetip aqyndar men batyrlar eliniń abyroıyn asyrǵandar. Iaǵnı jastardyń qoǵamnyń qozǵaýshy kúshi bola alaryn dáleldegender. Olar eldiń erteńgi jarqyn bolashaǵyn jasaýda ulttyq qasıetterge baı, ári ámbebap ári bilikti mamandar bolyp shyǵýy kerek ekenin jaqsy túsinedi.
DAMIR JUMÁDİLULY JAS BOKSSHY
Almaty oblysynynda birinshi oryn alyp, respýblıkalyq chempıanatqa bardym. Jáne ol chempıanatta óz salmaǵym boıynsha jeńimpaz atandym. Sol úshin maǵan sport sheberi ataǵy berildi.
RÝSLAN ANDOSOV OQÝSHY
Bul Forýmnyń ótýi bolashaqtaǵy alar asýlar biz sıaqty oqýshylardyń qolynda ekeni, biz úshin jasalyp jatqan dúnıelerdiń kóp ekenin sezdirdi. Tek ǵana bizge qoıylatyn basty talap, oqý, bilim alý, qazaq elin kóterý basty maqsat bolyp sanalady.
Elimizdegi jastar saıasaty jalyn júrekti jastardyń taı talabyn qamshylaı túskeni anyq. Sebebi salaýatty ómir saltyn ustanyp sportty jandaryna serik etýde, Jambyl jastary belsendi. Árıne bul jastarǵa kórsetilgen memlekettik qoldaýlardyń jemisi. Tek bıylǵy jyldyń ózinde oblys kóleminde 434 mıllıonnan astam qarajat jastarǵa arnap bólingen.
BAQTIAR JAQSYGELDİNOV ALMATY OBLYSTYQ JASTAR RESÝRSTYQ ORTALYǴYNYŃ DIREKTORY
Jalpy oblysymyz jastaryna óte kóńil bólinip jatyr. Óıtkeni jaqynda ǵana jastarǵa arnalǵan jastarǵa qyzmet kórsetý saraıy salyndy. Oqýshylar saraıy salynyp jatyr. Onyń bári bolashaq jastarymyz úshin. Oblys ákimi jáne Elbasymyzdyń tikeleı tapsyrmasymen salynyp jatqan dúnıeler. Mine osylardyń barlyǵy jastarǵa arnalyp jatyr.
Búgingi tańda aýdanda 42 myńǵa jýyq jastar ókilderi turady.Olardyń ishinde 80 ge jýyǵy jergilikti basqarý organdarynda memlekettik qyzmetker bolsa, 15 myńnan astamy ár salada eńbektenýde. Sondyqtan da jınalystyń maqsaty - jastardyń eljandylyǵyn, otansúıgishtigin nyǵaıýǵa baǵyttalýy kerek deıdi aǵa býyn ókilderi.
JAQSYLYQ ÚSHKEMPİROV MÁSKEÝ OLIMPIADASYNYŃ CHEMPIONY
Baıaǵy aqsaqaldar aıtatyn; sender bizdiń jas kezimizdegideı emessińder -dep. Joq olaı emes, qazirgi jastar bizden myqty. Sondyqtan da biz olarǵa ár qashanda baǵyt-baǵdar berip otyrsaq boldy. Bizdiń jastar aqyldy. Jastar óse bersin.
Mine osylaısha táýelsizdigimizdiń tuǵyrly, azattyǵymyzdyń ǵumyrly bolýyna jastar beıimdele bermek. Shara aıasynda aýdandaǵy ónerpazdar konserttik baǵdarlama qoıdy. Alda oblystyq jastar forýmy ótedi dep josparlanýda.
