"Úlken jetilik" elderi (G7)Reseıge qatysty jańa sanksıalardy jedeldetip engizý boıynsha kelisti, dep habarlaıdy RIA Novostı.

G7 quramyna kiretin AQSH, Germanıa, Japonıa, Ulybrıtanıa, Fransıa, Italıa men Kanada eliniń kóshbasshylary "keler aıda Ýkraınada ótkeli otyrǵan saılaýdy beıbit jaǵdaıda ótkizý maqsatynda" Reseıge qatysty sanksıalardy kúsheıtýge ýaǵdalasty. Kelisimge sáıkes bul joly da Reseıge ekonomıkasyna tikeleı qatysy bar birqatar salalarǵa naqty shekteýler qoıýǵa baǵyttalǵan.

BAQ taratqan málimetterge qaraǵanda, Aq úı ókiliniń biri jańa qarjylyq shekteýler aldaǵy dúısenbi kúni kúshine enetin bolady. Vashıngton buǵan deıin Reseıge qatysty qosymsha sanksıalar qoıýǵa ázir ekendikterin mádimdegen bolatyn. Sol kezde Ýkraınadaǵy jaǵdaıdy beıbit jaǵdaıda sheshýge Máskeýdiń áli de bolsa múmkindigi bary eskertilgen edi.

Eske salamyz, aqpannyń 22-i kúni Joǵarǵy rada Ýkraına prezıdenti Vıktor Ianýkovıchti bılikten alastatyp, qoldanystaǵy konstıtýsıany ózgerte otyryp, saılaýdy ótkizý merzimin mamyrdyń 25-ine belgilegen. Al Qyrymda óńirdiń mártebesin anyqtaýǵa arnalǵan referendým naýryzdyń 16-ynda ótken. Ol ýaqytta qyrymdyqtardyń basym kópshiligi Reseıge qosylýǵa qarsy emes ekendikterin bildirip, daýys bergeni sol-aq eken Qyrymnyń Joǵarǵy keńesi táýelsizdigin jarıalaǵan. AQSH pen Eýrodaq RF men Qyrymnyń qosylýyna baılanysty Reseıge qatysty jekelegen sanksıalar engizgen edi.

Atap aıtqanda, reseılik keıbir azamattarǵa vıza bermeý, qarjylaı aktıvterdiń almasýyna shekteý qoıylǵan bolatyn. Kreml de qarap qalaımaı batysqa qatysty óz shekteýlerin qoıǵan. tengrinews.kz