Almatyda stýdent menıngokok ınfeksıasynan kenetten qaıtys boldy, dep habarlaıdy "Jetinshi arna" tilshisi.

Almatydaǵy Energetıka jáne baılanys ýnıversıtetiniń 1-kýrs stýdenti jataqhana aldynda qaıtys boldy. Jedel járdem berýge kelgen dárigerler jas jigitke eshqandaı kómek bere almady. JOO qyzmetkerleri aldynda ol jigitti ýlanǵannan qaıtys bolýy múmkin degen bolatyn. Alaıda Almaty qalalyq juqpaly aýrýlar aýrýhanasynyń bas dárigeri Laýra Tastambekova bul nusqany joqqa shyǵardy. "Stýdent menıngokok juqpasyn juqtyrǵan degen boljamǵa toqtalyp otyrmyz. Óıtkeni, bul juqpanyń ereksheligi sol, ol kóp jaǵdaıda ınkýbasıalyq kezeńsiz damıdy. Sondyqtan, ólim jaǵdaıy tez bolady. Ýotterhaýs-Federıks sındromy (búırek jetispeýshiligi) bolǵan kezde 90 paıyz jaǵdaıda ólimge ákep soǵady", - deıdi Tastambekova.

Qazir dárigerler kim aýrýmen baılanys jasaǵanyn anyqtaý ústinde. Sonymen birge olar aýa-tamshyly jolmen juǵatyn qaýipti ınfeksıany juqtyrýshyny tabýǵa tyrysýda.