Taldyqorǵanda dene shynyqtyrýmen aınalysatyn oryndardyń sany arta túspek. Jansúgirov kóshesi boıyndaǵy kógaldaǵy hokeı stadıony mańy jattyǵý alańyna aınalady. Oblys ákimi Amandyq Batalov qaladaǵy qurylys nysandaryn aralaý kezinde osyndaı usynys tastady. Sonymen qatar, Erkin aýylyndaǵy jańa demalys ornyna ataý berý kópshilik talqysyna salynbaq, - dep habarlaıdy Qamshy.kz "Jetisý" arnasyna silteme jasap.
Taldyqorǵan áýejaıyndaǵy kúrdeli jóndeý jumystary aıaqtalýǵa jaqyn. Qosymsha ǵımaratty jóndeýdiń azdaǵan sharýalary ǵana qaldy. Orta eseppen jylyna 26 myń jolaýshy tasmaldanatyn nysannyń jańa bet-beınesi el kóńilinen shyǵatyn bolady. Oblys ákimi Amandyq Batalov áli de bolsa ǵımrat aınalasyn abattandyrýǵa mán berýdi tapsyrdy. Qorshaýlardy syrlap, búlingen joldardy qalpyna keltirýdi mindettedi.
Áýejaıdan qalaǵa bet alǵan jolaýshy myna jol jıegindegi syry ketken qorshaýdy synaýy múmkin. Qalanyń jarqyn kelbetine osyndaı usaq-túıekter keri áserin tıgizedi dedi, - ákim. Jol boıyndaǵy aǵash, shóptiń ádemi ósýin de qadaǵalaý qajettiligin jaýapty tulǵalarǵa eskertti. Al Erkin aýyly mańyndaǵy myna jańa demalys ornymen ár taldyqorǵandyq maqtansa bolady. Buryn qaraýsyz qalyp, topyraǵy tozyp, shóp te shyqpaı turǵan jer qazir kórse kóz toımas saıaly orynǵa aınaldy. Máselen, 7 qarlyǵashty qolyna qondyrǵan qyz-jigit músini de alańnyń ajaryn ashyp tur. Endigi másele, demalys ornyna at qoıý.
AMANDYQ BATALOV ALMATY OBLYSYNYŃ ÁKİMİ AÝDARMA- Bul músinde úlken úılesimdilik jatyr, qustar men adamzattyń arasyndaǵy mahabbat. Mánin asha túsetin, qulaqqa da jaǵymdy at qoıylǵany jón bolar. Múmkin qalamgerlermen aqyldasyp, konkýrs jarıalasaq.
Jańa alańǵa jańa esim berý kópshiliktiń talqysyna salynbaq. Kókeıde júrgen, kóńilge qonymdy ataý bolsa qurmetti kórermen siz de pikir aıtyńyz, atsalysyńyz. Bolashaqta osy demalys ornynan tynyǵyp qalaǵa qaıtqan bette myna arada dene shynyqtyrý jattyǵýlaryn jasaýǵa bolady. Ashyq jatqan alańqaıǵa túrli jattyǵý qurylǵylary ornatylyp, keleshekte sport alańyna aınalmaq.
AMANDYQ BATALOV ALMATY OBLYSYNYŃ ÁKİMİ AÝDARMA- Jan-jaǵyna oryndyqtar qoıyp, demalýshylarǵa bar jaǵdaı jasaýǵa tıispiz. Mundaı jattyǵý alańdary kóbeıse turǵyndardyń sportqa degen qyzyǵýshylyqtary arta túsedi. Sonymen birge osy mańda balalar úshin de arnaıy alańqaı ashý kerek.
Qurylys alańynyń áý bastaǵy jobasyna oblys basshysy birqatar ózgertýler engizdi. Barlyq ıgi bastamalardyń qyzyǵyn halyq kórýi tıis dedi. Ári Qaratal ózeni boıyndaǵy demalys aleıasyn taza ustaý barsha qaýymnyń mindeti. Al kórkeıtý jumystary júıeli túrde júrgizile bermek. Amandyq Batalov sáýlettik músinder men aǵash-butalaryn baptap-kútý isinde únemi muqıattylyq tanytý kerektigin de atap ótti.
