«Memlekettik qyzmetkerlerdiń kásibıligi men ádebi - bul memlekettiń turaqty damýynyń kepili»! Búgin osyndaı taqyryppen Jambyl aýdanynda memlekettik qyzmetkerlerge arnalǵan jıyn ótti. Basqosýda QR memlekettik qyzmet isteriniń Almaty oblysy boıynsha departamentiniń jáne ádep jónindegi keńestiń tóraǵasy Serikbaı Nurǵısaev --mańyzdy baıandama jasady, - dep habarlaıdy Qamshy.kz "Jetisý" arnasyna silteme jasap.
Aıtýynsha, Elbasynyń bes ınıstıtýsıonaldyq reformasy men 100 naqty qadam ult jospary - memlekettik qyzmetke úlken jaýapkershilik artady. Sondyqtan da búgingi tańda sybaılas jemqorlyq boıynsha, kez-kelgen salany baqylaýǵa tolyqtaı múmkindigimiz bar,- dedi óz sózinde. Zańdaǵy jańa ózgeristerge sáıkes, budan bylaı eshqandaı barmaq basty, kóz qysty áreketterge jol berilmeıdi. Ásirese memlekettik qyzmetkerlerdiń jumysy -departament tarapynan qatań baqylanady. Tipti budan bylaıǵy jerde aýdan ákimderiniń kólikterine GPS qondyrǵylary ornatylatyn bolady.
Al merekelerge baılanysty beriletin ústeme jalaqylar toqtatylyp, qosymsha jumysqa bonýs tólenbek. Sondyqtan aýyrdyń astymen, jeńildiń ústimen júrý túgeldeı tıylatynyn jetkizdi. Jınalysta oblys ákiminiń orynbasary jáne ádep jónindegi keńesshisi Talǵat Ómirálıev pen aýdan ákimi Jandarbek Dalabaev ta óz taraptarynan bul jańa zańǵa qoldaý kórsetetindikterin jetkizdi. Otyrysta basshylarǵa suraq qoıǵandar da qanaǵattanarlyq jaýap aldy.
SERİKBAI NURǴISAEV QR MQİM ALMATY OBLYSY BOIYNSHA DEPARTAMENTİNİŃ BASSHYSY
Halyqqa memlekettik qyzmetkerlerdiń qyzmet kórsetýi. Búginde biz osy 9 aıdyń ishinde 7 mılıonnan astam memlekettik qyzmet kórsettik. Halqymyz eki mılıon. Endi sonyń sapasy qandaı? Der kezinde alyndy ma? Tolyqqandy aldy ma? Paıdasyna jarady ma? Endi qalaı jumys sheńberin keńeıtýimiz kerek? Solardyń bári búgingi josparda.
