Qazaqstandyq desantshylar tehnıkada sý bógetterinen ótýge jattyǵyp jatyr. Praktıkalyq is-qımyldar arnaıy jabdyqtalǵan sý qoımalarynda uıymdastyrlýda. Onyń tereńdigi 4 jarym metrge jýyqtaıdy. Almaty oblysynda bul oqý-jattyǵý Almaty, Saryózek jáne Taldyqorǵan garnızondaryna qarasty 5 áskerı bólim arasynda júrgizilip jatyr, - dep habarlaıdy Qamshy.kz "Jetisý" arnasyna silteme jasap.
Bul áskerı oq-jattyǵý qazir eldiń ár túkpirinde ótip jatyr. Maqsat - jeke quramdy sý kedergilerin buzyp ótýge, qarý-jaraq pen áskerı tehnıkany daıyndaý boıynsha jumystar tizbesine oqytyp-úıretý. Ári qaýipsizdik sharalaryn zerdeleý. Synaqqa alynǵan tehnıkalar BTR-80 brondy transportery jáne kóp nysanaly jeńil brondalǵan súıretpe. Jattyǵýda osy kólikterdi tizgindegen mehanık-júrgizýshilerdiń sheberligi synalady.
JÁRDEM QANGELDIEV 18404 ÁSKERI BÓLİMİ KOMANDIRİNİŃ ORYNBASARY -Jeke quramnyń ár sarbazy medısınalyq tekserýden ótti. Olar júzýdi biletin, tehnıka tilin jaqsy meńgergender. Jattyǵý sýdyń ishinde ótkenimen biz qurlyqta erekshe kózge túsken jaýyngerlerdi tańdap otyrmyz. Sebebi, myqty sarbaz sýdaǵy kedergilerden de óz qabiletiniń qaı deńgeıde ekendigin kórsete alady.
Tehnıkalar ábden synaqtan ótkizilgen. Iaǵnı, sý ótkizbeıdi. Ol úshin temir kólikter 2 mınýt sýdyń ishinde synalady. Al resmı jattyǵý sabaǵynda olar 3 kórsetkish boıynsha baǵalanady. Qurlyqpen salystyrǵanda, mashınany sýda baǵyndyrý qıyn. Áskerı qyzmetshige basqarý tetiginiń qalaı jumys jasaıtynyn seziný asa mańyzdy.
ASQAR BAZYLHANOV 18/404 ÁSKERI BÓLİMİNİŃ TEHNIK MAMANY
Oqý jattyǵýǵa osy salanyń maıtalman mamany jetekshilik etip otyr. Otstavkadaǵy general-maıor Vladımır Nazarenko Eýropanyń talaı ózdenderinen tehnıka tilin taba otyryp, júzip ótken. Endi tájirıbesin jas sarbazdarǵa úıretip, bas kóz bop júr.
VLADIMIR NAZARENKO QR QURYLYQ ÁSKERİ SALASYNYŃ ARDAGERİ
Jattyǵý ár túrli deńgeıde ótip jatyr. birinshi kúnen qaraǵanda jaýyngerlerdiń qabileti ekinshi kúni ashyla túsken. Kemshilikterin dál ýaqytynda esterine salyp jatyrmyz. Negizi bul jattyǵý İle ózeninde ótkgi tıis bolatyn. Degenimen dál qazirgi tańda aǵysy qatty bolǵandyqtan sarbazdardyń qaýipsizdigi eskerilip osyndaı sý qoımalarynda uıymdastyryldy.
Jalpy el boıynsha bul sharaǵa 400-ge jýyq áskerı qyzmetshi qatysyp otyr. Oqý jattyǵý sabaqtaryn ótkizý qyrkúıektiń 10 na deıin josparanǵan.
