Búgin QR Prezıdenti Nursultan Nazarbaev  Eskeldi aýdanyndaǵy «Nam G.N.» German Nam sharýa qojalyǵynyń qyzylsha alqabyna bardy, - dep habarlaıdy Qamshy.kz QazAqparatqa silteme jasap.

«Óńir ekonomıkasy salasyndaǵy ósim serpini, oblystyń memlekettik qoldaýynyń arqasynda alǵan qarjylaı jáne materıaldyq-tehnıkalyq quraldardyń bolýy Siz alǵa qoıǵan qant qyzylshasynyń burynǵy ataǵyn qaıta jańǵyrtý mindetin iske  asyrýǵa múmkindik beredi», - dep atap ótti oblys ákimi Amandyq Batalov.

Eger 2015 jyly qant qyzylshasyn  egý  alańy 3,8 myń ga qurasa, bıyl ol 6,8 myń gektarǵa  jetti. Jalpy jıyn 240 myń tonnany qurady.

SHQ basshysy German Nam QR Prezıdenti Nursultan Nazarbaevqa sharýashylyǵynyń jetistikteri jaıly aıtyp berdi.

«Nam G.N» sharýa qojalyǵy 2002 jyly uıymdastyryldy. Sharýashylyqtyń basym qyzmeti - aýyl sharýashylyǵy daqyldaryn, onyń ishinde kókónister men kartop ósirý.

Sharýashylyqta 75 myń gektar jer bar. 2015 jyly qant qyzylshasy 25 gektar, soıa - 11 gektar, kartop - 30 gektar, kúzdik bıdaı - 9 gektar tanapqa egildi. Bul rette qant qyzylshasynyń ónimdiligi gektaryna 350 sentnerdi qurady.