"Nur Otan" kadrlyq rezerv jasaqtamaq

    "Nur Otan" kadrlyq rezerv jasaqtamaq

    “Nur Otan» partıasy kadrlyq rezer­vin qalyptastyrý jumysyn bastaıdy. Bul – saılanbaly jáne partıalyq laýa­zym­darǵa joǵary kásibı kadrlardy usynýdyń júıeli resimi. Kadrlyq rezerv tájirıbeli áriptes­terimizden, bastaýysh partıa uıym­darynyń músheleri men belsendi jastardan, sondaı-aq, partıa jaqtastary qatarynan jasaqtalady”. “Nur Otan” partıasynyń hatshysy Natalá Godýnova osylaı dep málimdedi. Ol maqsatty topty, partıalyq kadrlardy orta­lyq jáne jergilikti memlekettik organdarǵa usyný úshin rezervti qalyptastyrý kezeń­deri men merzimderin keńinen túsindirdi, - dep habarlaıdy Qamshy.kz "Egemen Qazaqstanǵa "silteme jasap.

    «Partıalyq kadrlyq rezerv týraly» erejege sáıkes, partıa múshesi emes, biraq ony belsendi qoldaýshylardy da rezervke irikteý múmkindigi qaras­ty­rylyp otyr, músheligi joq partıa jaq­tas­tary kadrlyq rezervtegi sany rezervıserdiń jalpy sanynyń 10 paıy­zynan aspaýy tıis. «Nur Otan» partıasynyń kadrlyq rezervi eki deńgeıde – respýblıkalyq jáne aımaqtyq deńgeılerde bekitiledi.

    – Qazirgi ýaqytta aımaqtyq rezerv qalyp­tas­tyrylýda. Oǵan máslıhat depýtat­ty­ǵyna, aımaqtyq saıası keńester, partıa­lyq baqylaý komısıalary (PBK), Sybaı­las jemqorlyqqa qarsy is-qımyl jónin­degi qoǵamdyq keńester (SJQİQK) jáne par­tıanyń basqa da organdarynyń músheligine kandıdattar irikteledi, – dedi ol. Onyń aıtýynsha, úmitkerler kelesi kvota boıynsha irikteledi: ár aýdannan – 10, qaladan – 12, oblys ortalyǵynan 25 kandıdattan.

    Sonymen qatar, N. Godýnova partıanyń aımaqtyq kadrlyq rezervine jalpy respýb­lıka boıynsha shamamen 3 myń adam enetinin jetkizdi.

    – Respýblıkalyq rezervtiń negizi – aımaq­tyq rezervıser (ár aımaqtan úsh adam­nan artyq emes). Respýblıkalyq rezerv 2017 jyldyń sońynda qalyptastyrylatyn bolady. Aımaqtyq partıalyq kadrlyq rezervke ený úshin  kandıdattar 3 satyly irikteý júıesinen ótýi qajet. Júıe konkýrs­tyq resimder men quzyretterin baǵalaýdan turady. Kandıdattardyń árqaısysy kásibı, partıalyq jáne jeke sıpattary boıynsha keshendi tekserýden ótedi.

    Mysaly, partıa músheligi boıynsha ótili, jumys ótili, bilimi, partıalyq qyz­met­tegi sińirgen eńbegi boıynsha talap­tar bar. Atalǵan talaptar rezervtiń ár deń­geıi saıyn arta túsedi, – dedi partıa hatshysy.

    Úmitkerlerdiń qylmys­tyq jáne ákimshilik jaýapkershilikke tar­tyl­maýy, sybaılas jemqorlyqqa jaǵdaı jasaı­tyn teris qylyqtarynyń, alynyp tas­tal­maǵan partıalyq jazalarynyń bol­maýy jónindegi talaptar ár deńgeı úshin mindetti bolyp tabylatynyna da nazar aýdardy. Buǵan qosa, ol partıalyq kadrlyq rezervti qalyptastyrý úsh aı boıy kezeń-kezeńmen ótetinin málim etti. Partıa hatshysynyń sózine qaraǵanda, rezervke alynǵandardy bekitkennen keıin partıalyq kadrlyq rezervti damytý jumy­sy júrgiziletin bolady. Naqtylaı aıt­qan­da, olardyń naqty is-áreketteriniń jos­par­lary ázirlenip, bekitý jáne júzege asyrý sharalary iske asyrylady.

    Odan ári N.Godýnova úmitkerdiń rezervte bolý merzimi 5 jyldy quraıtynyn aıta kelip, partıanyń Ortalyq apparatynda jáne aımaqtyq, aýmaqtyq fılıaldarynyń apparattarynda (basshylyqtan basqa) bos laýazymdyq oryndarǵa baıqaý negizinde qabyldaý júzege asyrylatynyn jetkizdi.

    Joldybaı BAZAR, «Egemen Qazaqstan»

    Qatysty Maqalalar

    Qarasha aıyndaǵy ataýly kúnder

    Qarasha aıyndaǵy ataýly kúnder

    15:00, 11 qarasha 2026