Parlament Májilisinde kolektorlarǵa aınylysýǵa tyıym salynatyn azamattardyń tizimi týraly talqylandy. Ulttyq bank ókilderi nesıe alǵan keıbir azamattardyń bankke qaryz ótemderin keshirýdiń múmkin ekenin aıtty, - dep habarlaıdy Qamshy.kz Tengrinews.kz –ke silteme jasap.
"Kolektorlar fızıkalyq tulǵalardyń (...) myna kategorıalardyń birine jatatyn azamattardan qaryzdaryn óteýin talap etpeýi tıis: múgedekter men Uly Otan soǵysynyń ardagerleri; Uly Otan soǵysy qatysýshylaryna nemese múgedek adamdardyń qataryna teńestirilgen azamattar: birinshi jáne ekinshi toptaǵy múgedekter; kámeletke tolmaǵan azamattar; zeınetkerler; sottyń sheshimimen qabileti joq dep tanylǵan azamattar; psıhonevrologıalyq nemese narkologıalyq dıspanserlerde em alyp jatqan azamattar; týberkýlez aýrýyna shaldyǵyp, dıspanserde em alyp jatqandar; jazataıym oqıǵanyń saldarynan nemese qyzmettik mindetin atqaryp jatqan kezde jaraqat alyp qalǵandar, sozylmaly aýrýmen shaldyqqandar, eńbekke jaramdylyǵynyń 80-100 paıyzynan aıyrylǵan azamattar; bas bostandyǵynan aıyrý mekemelerinde jazasyn ótep jatqan azamattar; ekologıalyq apattardyń saldarynan nemese tótenshe jaǵdaı kezinde úıinen aıyrylǵan azamattar; memlekettik jáne qoǵamdyq qyzmetterde mindetin atqarý kezinde, áskerı qyzmette nemese ǵaryshqa ushý kezinde adam ómirin qutqarý maqsatynda qaza tapqan otbasylardyń musheleri", - delingen zańnamaǵa engizilgen ózgertýlerde.
Sondaı-aq, Ulttyq bank tóraǵasynyń orynbasary Oleg Smolákov osy usynystardy aıta otyryp, atalǵan azamattardyń bank aldyndaǵy qaryzdaryn keshirýge bolatynyn aıtty.
"Biz aıtylǵan barlyq usynysty muqıat qarap shyqtyq. Iaǵnı, biz bul azamattardyń árqaısysy ózindik bir jaǵdaılarǵa baılanysty sebebi bar. Bank ókilderi osy azamattarǵa nesıe bergen kezde olardyń jaǵdaılaryn eskermegen bolý kerek. Sondyqtan kórsetilgen azamattardyń nesıe qaryzdaryn keshirý durys bolady. Kolektorlardyń qyzmeti ózgesheleý. Olar aıtylǵan azamattardyń nesıe qaryzdarymen aınalyspaýy qajet. Biz qoldaımyz", - dedi Ulttyq bank tóraǵasynyń orynbasary.
Osy usynys boıynsha depýtat Zaǵıpa Balıeva mynadaı suraq qoıdy: "Eger de osyndaı usynys qabyldansa, banktegiler aıtylǵan azamattarǵa nesıe bermeı qoımaıdy ma?" Aıta keteıik, Zaǵıpa Balıevanyń bul suraǵyn otyrǵan áriptesterdiń barlyǵy oryndy dep sanady.
Sonymen qatar, Ulttyq bank tóraǵasynyń orynbasary keıbir azamattardyń tizimine kámelet jasyna tolmaǵan balalary bar azamattardy engizý týraly usynysqa qatysty pikir bildirdi.
"Men munymen kelispes edim. Biraq maǵan bul usynys unady, ıaǵnı kolektorlarǵa jumys isteýge tyıym salynǵan azamattardyń keıbir kategorıalary týraly usynys. Ómirde túrli jaǵdaılar bolady. Boryshker tóleı almaı, sodan kolektorlar olardan aqshany ónidirip alady. Bilesiz be, ásirese kámelet jasyna tolmaǵan balalar ómirde qıyndyq týdyratyn jaǵdaılar emes, bul otbasyǵa kelgen baqyt. Sondyqtan da men bul jaǵdaılardy shatastyrmaýdy qalaımyn", - dedi Smolákov.
"Tyńdańyzdar, biz qazir kelisemiz. Men kámelet jasyna tolmaǵan balalary bar otbasylardyń qaryzdarymen esh jaǵdaıda kolektorlyq uıymdardyń aınalysýyna jol bermeımin. Sizder, keshirińizder, bala - ol úlken baqyt. Sondyqatn da kámelet jasyna tolmaǵan otbasylardyń qaryzdaryn kolektorǵa jiberý kerek emes", - dep jaýap berdi Ulttyq bank tóraǵasynyń orynbasary depýtat Balıevanyń qoıǵan saýalyna.
