Ońtústik Koreıanyń prezıdenti Pak Kyn He 16 sáýir kúni apatqa ushyrap, sýǵa ketken «Sevol» paromynda qaza bolǵandardyń týǵan-týystarynan keshirim surady.
El úkimetiniń aldynda sóz sóılegen Pak Kyn He bıliktiń atalǵan apattyń aldyn almaǵany jáne tıisti sharalardyń der kezinde jasalmaǵany úshin keshirim surady. Prezıdent sonymen birge, sheneýnikter arasynda tártipti arttyrý qajettigin málimdep, osyndaı qaıǵyly oqıǵalardyń aldyn alyp, qaýipsizdigin qamtamasyz etetin jańa mınıstrlikti qurýǵa usynys jasady. Dúısenbi kúni Ońtústik Koreıa Premer-Mınıstri Chon Von Honnyń parom jolaýshylarynyń qazasyna baılanysty úkimetke qarsy aıtylǵan synnan keıin otstavkaǵa ketkeni belgili boldy. Bortynda 476 jolaýshysy bar parom Ońtústik Koreıanyń jaǵalaýynda aınaldyrǵan eki saǵattyń ishinde aýdarylyp, sýǵa batyp ketken. Olardyń ishinde negizinen oqýshylar men muǵalimder bolǵan.
QazAqparat
