Elorda da ótken halyqaralyq tý­rıstik forýmda «Astana EKSPO – 2017» ulttyq kompanıasy» AQ týrızm departamentiniń dırektory Alen Shaıjúnisov 4-11 qyrkúıek aralyǵyn­da Qazaqstan boıynsha uıymdasty­ryl­ǵan aqparattyq týrlarǵa qatysty málimdeme jasady, - dep habarlaıdy Qamshy.kz aikyn.kz - ke silteme jasap.

– Osyǵan deıin bolǵan aqparattyq týr­larda shet memleketterdiń 100-den astam tý­roperatorlary el óńirlerin aralap, eń basty maqtanyshtarymyzben tanysty. Olar ha­lyqaralyq kórme kezinde týrıser mindetti túrde baratyn, aldyn ala tizimge engizilgen 73 jerdi kózben kórdi. 

Aqparattyq týrlar 5 baǵyt boıynsha júrgizildi. İs barysynda Reseı, Qytaı mem­leketteriniń sondaı-aq Eýropa men TMD elderiniń iri týrısik kompanıalary Asta­nany, ulttyq parkterdi, tarıhı-mádenı oryndardy aralap, «Baıqońyr» ǵarysh aılaǵynda boldy. Buǵan qosa olar Jibek joly baǵyty, Batys jáne Shyǵys Qazaq­stan, sonymen qatar Jetisý aımaqtarynyń eń kórikti jerlerin tamashalady. Budan by­laı sheteldiń iri týroperatorlary «EKSPO – 2017» kórmesine týrıserdi tartý kezinde qınalmaıdy dep senimmen aıtýǵa bolady. 

Búgingi forým aqparattyq týrlardyń nátıjesin jarıalaý jáne Qazaqstannyń týrısik áleýeti men «Astana EKSPO» jobasyn tanystyrý maqsatynda júzege asy­rylyp otyr, – dedi ol forýmda. 

Sóz arasynda departament dırektory halyqaralyq kórme kezinde «Ross Týr», CITS AlessandroRosso Group, Monaco Uk­raine Group synda kompanıalar jaýapker­shilik júgin abyroımen arqalap, týrıserge minsiz qyzmet kórsetetinine senim bildirdi. 

– Bul sońǵy aqparattyq týr emes. Kórme bastalǵanǵa deıin mundaı týrlar jıi ótki­ziledi. Búgin «Astana EKSPO – 2017» kór­mesiniń 74 myń bıletin satyp alý boıynsha 5 iri kelisimshart jasaldy. Bıletter týro­peratorlardyń týrpaketterine engiziledi, – dedi A.Shaıjúnisov.

Onyń aıtýynsha, «Astana EKSPO – 2017» ulttyq kompanıasy» AQ Qazaq­stan­nyń ta­ny­maldyǵyn arttyrý baǵytyndaǵy jumys­taryn jandandyryp jatyr. 

– Bizdiń aınalamyz úlken naryqpen qor­shalǵan. Olardyń barlyǵyn qamtý úshin qo­symsha avıabaǵyttar ashý qajet. Qazir osy maqsatta naqty jumystar atqarylyp ja­-tyr. Kórme ótkizgennen keıin Koreıaǵa kelý­shi­lerdiń sany – 9,5, Qytaıdy kórgisi kele­tinderdiń kórsetkishi – 27,5 al Mılanda bol­ǵysy keletinderdiń sany – 4,5 paıyzǵa ósken. Sońǵy 5 jylda týrızm naryǵy jy­lyna 50 mıllıon adamǵa kóbeıdi. Bizge osy­ny paıdalanyp qalý múmkindigi týyp tur. 

Ulttyq kompanıa «EKSPO – 2017» kór­mesin barynsha nasıhattaý úshin áleýmettik jeliler men BAQ-ty, sarapshylar men blo­gerlerdi jumyldyryp jatyr. Aralyq esep boıynsha, kúni búginge deıin sheteldik BAQ- ta 3 myńnan astam aqparattyq materıal jaryq kórdi. Biz Discovery telearnasymen birlesken jobany júzege asyryp jatyrmyz. Osynyń barlyǵy Qazaqstandy álemdegi bá­se­kege qabiletti memleketterdiń qataryna qosý úshin jasalyp jatyr, – dedi departa­ment dırektory.
Belgili bolǵandaı, bir aptaǵa sozylǵan aqparattyq týr kezinde Shymkentte bolǵan ıtalıalyq týroperator kıiz úıde qonypty. Bul týraly ol jýrnalıserge bergen suh­batynda: «Ashyq aspan as­tynda jatqan emespin. Eshqashan uıyq­tardyń aldyn­da júzdegen juldyzdardy kór­gen joqpyn. Muny umytpaımyn!» dedi. Óz kezeginde Ka­zakhstanTours nıderlandyq týropera­tory­nyń dırektory Adrıanýs Mateýs Nıkolas baǵalaı bilgen adamǵa saıahat úshin Qazaq­stannan asqan jer joq ekenin atap kórsetip, birneshe jyldan beri nıder­lan­dyq týrıs­terdi Qazaqstanǵa ákelip júr­genin jetkizdi. 

– Qazaqstan sheteldikter úshin ashyl­ma­ǵan aral sekildi tańsyq jer. Onyń qupıasy men qyzyǵy kóp. Bizdiń azamattar sizderdiń elderińizge qatty qyzyǵady, kóp adam munda kelgisi keledi. Olardyń armandary kelesi jyly aqıqatqa aınalady dep oılaımyn, – dedi sheteldik týroperatordyń basshysy.
Onyń sózinshe, nıderlandyq týrıser­diń basym bóligi ortasha tabys tabatyn adam­dar. Sondyqtan olar qymbat qonaqúılerdi emes, tabıǵat aıasyn nemese qoljetimdi baǵa­daǵy hostelderdi tańdaıdy. 

– Menińshe, Qazaqstanǵa bizdiń elden kelgen adamdar ekotýrızmge erekshe nazar aýdarady. Qazir kelip júrgen týrıserdiń basym bóligine Aqtaý men Atyraý qalalary, Almaty oblysynyń ádemi landshaftary jáne «Baıqońyr» ǵarysh aılaǵy qatty unaıdy. Kelesi jyly halyqaralyq kórme ótetinin bilgennen keıin Astanaǵa ańsary aýyp jatqandardyń da sany ulǵaıyp keledi. Shymkent pen Tarazǵa saparlaǵysy keletin­derdiń de qarasy az emes. Degenmen sizderge týrızm salasyn myqtap qolǵa alý kerek. Sebebi keıbir aımaqta kózge oǵash kórinetin kemshilikter bar. Mysaly, Mańǵystaý men Altaıdyń ınfraqurylymyn durystaý qa­jet, – dedi Adrıanýs Mateýs Nıkolas .

Týroperatorlardyń usynystary men tilekterin muqıat tyńdaǵan Investısıa jáne damý mınıstrligi Indýstrıa jáne týrızm departamenti dırektorynyń min­detin atqarýshy Qaırat Sádýaqasov otan­-dyq týroperatorlarǵa tutynýshylardyń su­ra­­nys­yn qanaǵattandyrý týraly tapsyrma berdi.

– Eýropa týrıserin kıiz úıde qarsy alýdy nazarda ustaý kerek. Olardyń jergi­likti halyqpen qarym-qatynas jasaýyn da oılastyrǵan jón. Otandyq týroperatorlar eýropalyqtarǵa arnalǵan as mázirin qalyp­tastyrsa durys bolady, – dedi mınıstrlik ókili. 

Óz kezeginde pikir bildirgen úndi týrope­ratorynyń ókili Radj myrza Qazaqstandy Orta Azıadaǵy ekinshi Shveısarıaǵa teńep, qazaqstandyqtar jer jannatynda ómir súrip jatyr dep sanaıtynyn sóz etti.

– Biz negizinen Almatyǵa reıs uıym­das­tyramyz. Bul qalanyń adamdary óte qonaq­jaı jáne meıirimdi. Bıyldan bastap jumys kólemi ulǵaıdy. Kelesi jyly qazirgiden de jaqsy bolady dep úmittenemiz, – dedi shetel­dik azamat. Al reseılik «Trı kıta» týrope­ratorynyń bas dırektory Tólegen Bekma­ǵanbetov 1997 jyldan beri elimizdiń shıpa­­jaılaryna reseılikterdiń kelýin uıym­das­tyryp júrgenin tilge tıek etti. 

– Omby, Qorǵan, Ekaterınbýrg qala­la­rynyń turǵyndary Qazaqstanǵa jıi ke­ledi. «EKSPO – 2017» Qazaqstannyń týrızmine qarqyn beredi dep oılaımyn. Osylaı bolsa, bizde tabys kóremiz, – dedi ol. 

Aıta keteıik, aldyn ala jasalǵan boljam boıynsha, «EKSPO – 2017» halyqaralyq kórmesiniń eń arzan týrısik paketi 40 myń teńge, al eń qymbaty 125 myń teńge bolady. Sońǵysyna 3 kúndik týr, jatyn oryn, ta­maq­­taný, transfert, gıd qyzmeti jáne «Eks­po­ny» aralaý kiredi. 

Zertteý boıynsha, 2017 jyly Qazaq­stanǵa 500 myń sheteldik azamat keledi. Olar­dyń árqaısysy bizdiń elde shamama­-men, 1 myń AQSH dollaryn qaldyrady. 
Bıylǵy jyldyń 10-maýsymynan bastap halyqaralyq kórmeniń bıletteri onlaın satylyp jatyr. Bul kez kelgen qazaqstandyq kórmeni tamashalaý quqyǵyna ıe bolyp otyr degen sóz. Búgingi tańda eń arzan bılettiń quny – 2 myń teńge. 

10-maýsym men 10-qyrkúıek aralyǵynda ótetin halyqaralyq kórme kezinde elimizde taqyryptyq jáne mádenı-saýyqtyq 4 myń is-shara uıymdastyrylady. Qazirdiń ózinde kórmege 100-den astam memleket qatysatyn­dyǵyn resmı rastap otyr.