Elbasy Nursultan Nazarbaevtyń «100 naqty qadam» Ult josparyn júzege asyrýǵa baǵyttalǵan bes ınstıtýttyq reformasynyń oryndalý barysyn nasıhattaý jáne túsindirý maqsatynda Almaty qalalyq Demokratıalyq kúshter koalısıasynyń kezekti otyrysy ótti, - dep habarlaıdy Qamshy.kz aikyn.kz - ke silteme jasap.

Basqosýda «Indýstrıalızasıa jáne ekonomıkalyq ósý» baǵytynyń alǵashqy nátıjeleri talqylandy.

Jıyndy ashqan Almaty qalasy De­mokratıalyq kúshter koalısıasy tóra­ǵa­synyń orynbasary Ahmetjan Shardınov:

– Qazirgi ýaqytta Almaty qalasynda memlekettik ındýstrıaldy-ınnova­sıalyq damý, 2020 jyldarǵa deıingi qalany órkendetý baǵdarlamasy sıaqty birqatar naqty qujattar qabyldandy. Sonyń nátıjesinde ońtústik megapolıste qar­qyndy ósý bar, órkendeý bar. Shaǵyn jáne orta bıznes te damyp keledi. Osy­nyń bári eń bastysy – qarapaıym turǵyndardyń ál-aýqatyn kóterýge baǵyttalǵan, – dep atap ótti. 

«Aýyl», «Aqjol» demokratıalyq partıasy, Qazaqstan Komýnıstik halyqtyq partıasy, «Birlik» partıasy men jergilikti memlekettik organdarynyń ókilderi, ǵalym sarapshylar el ómirinde júzege asyrylyp jatqan aýqymdy jetistikter men eleýli nátıjelerdiń az emes ekenin jetkizdi.

– «100 naqty qadam» Ult jospary elimizdegi ındýstrıaldy-ınnovasıalyq damýdy qamtamasyz ete otyryp, Qa­zaqstandaǵy bastaý alǵan ekonomıkalyq reformalardy tereńdetý arqyly álemdik qýatty ekonomıkalyq júıege qosylýǵa bet alǵan ereksheligimen qundy, – dep baǵa berdi QR Ulttyq ǵylym akademıasynyń prezıdenti Murat Jurynov.

Jibek joly boıynda ornalasqan Almaty shaharynyń Orta Azıadaǵy qarjylyq, ekonomıkalyq, ónerkásiptik iri ortalyq ekenin aıta kelip, qalalyq Kásipkerlik jáne ındýstrıaldy-ın­novasıalyq damý basqarmasy basshy­synyń orynbasary Ǵanıbek Áýbákirov óz sózinde sol artyqshylyqtyń arqasynda básekelestikke laıyqty óndiris oryndary men kásipkerlik nysandarynyń kóptep ashylyp jatqandyǵyna keńinen toqtaldy.

«Osyǵan baılanysty shaǵyn jáne orta bıznesti damytý, ınvestorlardy tartý maqsatynda memleket Óńirlik kásipkerler palatasy arqyly jańa kásip ıgerýshilerge aıryqsha jaǵdaı týǵyzyp, qoldaý kórsetip otyr»dep pikir qosty Almaty qalalyq kásipkerler palatasy dırektorynyń ekonomıkalyq máseleler jónindegi orynbasary Tımýr Hakımov.

Jıyn qorytyndysynda qalalyq Demokratıalyq kúshter koalısıasynyń músheleri Ult josparynyń «Indýstrıalı­zasıa jáne ekonomıkalyq ósý» baǵy­tynyń qazirge deıingi nátıjelerin oń baǵalaı otyryp, bul saladaǵy jumys­tar­dyń tabysty júrgizilýine barlyq jaǵy­nan qoldaý kórsetetinderine senim bildirdi.