Ulttyq ekonomıka mınıstri Qýandyq Bıshimbaev Qazaqstan Parlamenti Májilisinde ótken úkimet saǵaty barysynda aǵymdaǵy ekonomıkalyq jaǵdaı týraly, «Nurly jol» memlekettik baǵdarlamasynyń 9 qyrkúıekte Úkimettiń keńeıtilgen otyrysynda Memleket basshysy bergen tapsyrmalardyń iske asyrylýy týraly baıandady.
Mınıstrliktiń derekteri boıynsha, turǵyn úıdiń barlyq túrlerin, onyń ishinde jeke turǵyn úı qurylysyn damytý úshin «Nurly jol» memlekettik baǵdarlamasynda jappaı qurylys salý aýdandarynda ınjenerlik-kommýnıkasıalyq ınfraqurylym salý kózdelgen, - dep jazady Qamshy.kz Turkystan.kz - ke silteme jasap.

«Bul maqsattarǵa 2015-2016 jyldary 151,8 mlrd. teńge bólindi. 2016-2017 jyldary biz Jeke turǵyn úı qurylysyna arnalǵan 100,9 myń ýchaskeni qajetti ınjenerlik ınfraqurylymmen qamtamasyz etemiz. Infraqurylym búgingi kúni berilgen 57,4 myń jer ýchaskesine jáne jańa 43,5 myń ýchaskege júrgiziletin bolady. 2017 jyly qajetti ınjenerlik ınfraqurylymmen qamtamasyz etý úshin 84 mlrd. teńge jumsaý josparlanýda» dep málimdedi Bıshimbaev.

Úkimettiń keńeıtilgen otyrysynda aıtylǵan, Memleket basshysy bergen tapsyrmalardyń iske asyrylýy týraly baıandama jasaı otyryp, mınıstr áleýmettik-ekonomıkalyq saıasattyń basty mindetteriniń biri halyqty ónimdi jumyspen qamtýdy qamtamasyz etý jáne ózin ózi jumyspen qamtý problemasyn sheshý bolyp tabylatynyn atap kórsetti.

«Bizdiń mindetimiz – ózin ózi jumyspen qamtyǵandardy ónimdi jumyspen qamtýǵa kóptep tartý jáne olardyń tabysyn ulǵaıtý» — dedi mınıstr.
2017 jyldan bastap «Jalpyǵa arnalǵan tegin kásiptik-tehnıkalyq bilim berý» jobasy iske qosylatyn bolady. Odan basqa, mıkrokredıtteýdi damytý jolymen jappaı kásipkerlikti yntalandyrý kózdelgen.

Mınıstr «Qalalarda biz bank sektory ınfraqurylymyn tartýdy, aýyldyq jerlerde – mıkrokredıtteý jónindegi biryńǵaı operator qurýdy josparlap otyrmyz» — dep atap ótti.

Makroekonomıkalyq turaqtylyqty qamtamasyz etý maqsatynda ınflásıa deńgeıin tómendetý jáne baǵa turaqtylyǵyn odan ári qamtamasyz etý boljanyp otyr. Orta merzimdi perspektıvada Ulttyq Banktiń aqsha-kredıt saıasaty ınflásıany 3–4%-ǵa deıin tómendetýge baǵyttalady. Sondaı-aq memlekettik boryshtyń ósýine jol bermeý sharalary da qabyldanatyn bolady.

«2017–2019 jyldary memlekettik boryshty qolaıly deńgeıde ustap turý úshin respýblıkalyq búdjet tapshylyǵyn 2019 jylǵa qaraı JİÓ-ge qatysty 1,0 %-ǵa deıin keıinnen tómendete otyryp, 2017 jyly JİÓ-ge qatysty 1,2 %-ǵa azaıtý josparlanyp otyr» — dep atap aıtty Bıshimaev.
Ol munaı baǵasynyń tómen deńgeıde saqtalýy jaǵdaıynda keleshek urpaq úshin Ulttyq qordyń saqtalýyn qamtamasyz etý mańyzdy ekenin atap kórsetti.
«Ulttyq qordan qosymsha qarajat tartylmaıtyn bolady. Biz ekonomıkanyń jeke ınvestısıalar men kásipkerlikti damytýǵa negizdelgen ishki múmkindikterin paıdalanamyz» — dedi Bıshimbaev.

Ol «Nurly jol», Indýstrıalandyrý baǵdarlamalaryn, Agroónerkásiptik keshendi, jappaı kásipkerlikti damytý jónindegi Memleket basshysy ataǵan jańa baǵyttardy, banktik sektordyń ınvestısıalyq belsendiligin qalpyna keltirýdi, jeke ınvestısıalar tartýdy, salyq júıesin reformalaýdy tıimdi iske asyrý jyl saıyn orta merzimdi perspektıvada ekonomıkanyń 3,5-4% deńgeıinde ósýin qamtamasyz etýge múmkindik beredi» – dep málimdedi.