Qyrǵyzstan Prezıdenti Almazbek Atambaev Izmırge ushyp keldi jáne qonaqúıde jatyr, - dep habarlaıdy  Qamshy.kz  Tengrinews.kz –ke silteme jasap. 

HaberTurk málimeti boıynsha, Qyrǵyzstan basshysy keshki reıspen stambuldyq Atatúrk áýejaıynan Izmırge ushyp barǵan. Ushaq Adnan Menders atyndaǵy áýe aılaǵyna qondy, - dep habarlaıdy Yeniburca saıty.

"Atambaevty dárigerler qarady. Ol Cheshme qalasynda Sheraton qonaqúıine toqtaǵan. Qonaqúıdiń janynda dárigerler brıgadasy kezekshilikte otyr", - delingen basylymnyń habarlamasynda. Sonymen qatar emhanaǵa jatqyzylatyny týraly aıtylmaıdy.

Sonymen qatar Qyrǵyzstan prezıdentiniń baspasóz qyzmetindegiler Atambaevtyń densaýlyǵynyń nasharlaýyna baılanysty qysqamerzimdi demalys alǵanyn aıtady. Atambaevtyń demalysy 1 qazanǵa deıin sozylýy múmkin. 

Aıta keteıik, 2016 jyldyń 17 qyrkúıeginde Qyrǵyzstan prezıdenti Almazbek Atambaev 60 jyldyq mereı toıyn atap ótken bolatyn. 

Eske salaıyq, Nú-Iorkke barar jolda Qyrǵyzstan prezıdentiniń densaýlyǵy  syr bergen bolatyn. Bishkekten Nú-Iorkke barar jolda Qyrǵyzstan Respýblıkasynyń delegasıasy Atatúrik áýejaıynda basqa ushaqqa otyrýy qajet bolatyn. Alaıda Qyrǵyzstan prezıdenti Almazbek Atambaev syrqattanyp, medısınalyq tekseristen ótken. Dárigerlerdiń tekserisinen keıin memleket basshysyna jedel túrde medısınalyq kómek kórsetken. Dárigerlerdiń aldyn ala qorytyndysyna qaraǵanda, Almazbek Atambaevtyń júregi syr berdi. Osyǵan baılanysty Qyrǵyzstan prezıdenti medısınalyq tekseristen ótip, biraz ýaqyt dárigerdiń baqylaýynda  bolady. Osyǵan deıin Qyrǵyzstan memleket basshysy Egeı jaǵalaýyndaǵy emhanaǵa jatqyzylǵan bolatyn.