«Maksımým» AIO jáne «Yrys» MQU ońtústiktik dıhandardy qarjylandyrmaq. Maqsat - dıqandardyń qarjyny der kezinde alyp, oryndy ári tıimdi paıdalanýlaryn qamtamasyz etý, - dep habarlady OQO ákiminiń baspasóz qyzmeti.
Qujattar eshqandaı komısıalyq shyǵyndarsyz múmkindiginshe eń qysqa merzimde qaralady. Maquldansa, keler jyly aqsha bólinisimen qujaty daıyn azamattarǵa birden taratylý josparlanýda.
Qarjylandyrýdyń basty sharttary:
Negizgi qaryzdy jáne nesıe boıynsha paıyzdardy óteý - merzim sońynda;
Nesıeni merziminen buryn qaıtarý - merziminen buryn tolyq nemese ishinara qaıtarylǵan nesıe úshin aıyppul eseptelmeıdi.
Egin egý-jınaý jumystaryna bólinetin qarajat jeke tulǵalar, sharýa qojalyqtary, jeke kásipkerler jáne zańdy tulǵalarǵa basym baǵytqa ıe barlyq daqyl túrleri úshin beriledi. Nesıeniń jyldyq paıyzdyq mólsherlemesi 9%-dy quraıdy.
Qarjylandyrý 2 túrde júzege asyrylady:
2 transhtyq nesıe jelisi;
birmezettik nesıe;
Kepildikke jer telimin nemese basqa qosymsha kepil zatyn usynýǵa bolady.
Qazirgi tańda qarjy ortalyǵy tarapynan 2017 jylǵy dala jumystaryn qarjylandyrý boıynsha birqatar is-sharalar júzege asyrylýda. Atap aıtsaq, qarjylandyrýdy jedel júzege asyrý úshin OQO aýdandarynda sýb-ofıstar quryldy. Sondaı-aq kóktemgi egin egý jumystaryn qarjylandyrý eń basym baǵyt retinde qaralyp, atalmysh baǵyt boıynsha kelip túsetin ótinimderdi qarastyrý merzimi múmkindiginshe qysqartyldy. Oblys turǵyndaryna jáne sharýalarǵa qarjylandyrý sharttaryn túsindirý boıynsha birqatar is-sharalar uıymdastyrylýda. Atap aıtqanda, qyrkúıek jáne qazan aılarynda arnaıy jumysshy top qurylyp, barlyq qala, aýdan ortalyqtary jáne aýyldyq okrýgterde jıynalystar ótkizip, jıyn kezinde nesıe alýǵa nıet bildirgenderdiń qujattaryn qabyldaý da josparlanýda. Barlyq dıqandar óz qalalarynda, aýdandarynda nemese aýyldarynda ótetin jınalysqa kelip, ózderin qyzyqtyrǵan suraqtaryn talqylaý jáne qujattaryn tapsyrý múmkindigine ıe. Jınalystyń ótetin jeri jáne merzimi týraly aqparat alý úshin barlyq aýdan/qala ákimdikterimen baılanysýǵa bolady.
Aıta keteıik, jeńildetilgen nesıege kez-kelgen sharýa qol jetkize alady.
