Ońtústik Qazaqstan oblysy Báıdibek aýdanynyń ortalyǵy - Shaıan eldi mekeninde jyl basynan beri tyndyrymdy tirlikter atqarylyp, aýyldyń ajary arta tústi. Bul týraly OQO ákimdiginiń baspasóz qyzmeti habarlady.

Atap aıtqanda, Shaıandaǵy uzyndyǵy 6,2 shaqyrym bolatyn 15 kóshe asfálttalyp, paıdalanýǵa berildi. Avtokólikterge arnalǵan 6 kóshe keńeıtilip, 7 jolǵa (uzyndyǵy 3,5 shaqyrym) jańadan aıaqjol (trotýar) tóseldi.

Aýdan ortalyǵynyń sáýlettik kelbetin jaqsartý jumystary munymen toqtaǵan joq. Abattandyrý jumystaryn júıeli qolǵa alýdyń nátıjesinde, kóshe boıyndaǵy jıek tastar jańartylyp, sý aǵatyn aryqtar ornatyldy.

Báıdibektegi ortalyq kósheler de jańarǵan. Onda búginge deıin 10 ortalyq kósheniń qaqpasy (arka) jańadan ornatylyp, 10 gúlzar boı kóterdi.

Munan bólek, mekemelerdiń aldynda avtokólikterge arnalǵan 10 avtoturaq salyndy.

Ońtústik Qazaqstan oblysy, Báıdibek aýdanynyń turǵyndary bul ıgi is-sharasyna jumyla iske kirisken. Turǵyndardyń aıtýynsha, aýdannyń kgaldandyrylyp, kórkeıýi balalar men keleshek urpaq úshin óte paıdaly eken. Turǵyndar sol úshin de bql iske bilek sybana kirisken. Aıtýlarynsha, bul úshin eshkim eshkimdi májbúrlemegen. Turǵyndar jan qalaýymen aıdannyń kórkeıýi úshin barlaryn salǵan eken.

Sondaı-aq, atalǵan eldi meken kóshelerin kórkeıtip, kógaldandyrý jumystary da qarqyndy júrgizildi. Máselen, jyl basynan beri aýdan ortalyǵynyń ortalyq kóshelerine 2 500 túp aǵash otyrǵyzylyp, 7 myń dana raýshan gúli men 13 myń túp gúldi ósimdikterdiń túınekteri egildi.