OQO Otyrar aýdanynyń ákimi Erlan Aıtahanov Maıaqum, Baltakól aýyl okrýgterindegi «Otyrar-Sút-Et» selolyq tutyný kooperatıvi men «Otyrar Agro ónimderi» jaýapkershiligi shekteýli seriktestiginiń jumysymen tanysyp, dıqandarmen kezdesti.

Qazirgi tańda kooperatıv quramyna jergilikti «Serikbaı-B», «Meıirbek LTD», «Úsenov-N» jaýapkershiligi shekteýli seriktestikteri kiredi.

OQO ákimi baspasóz qyzmetiniń málimetinshe, kooperatıv bıyl 190 gektar alqapqa «Jıenbaı» sortty qaýyn, 130 gektaryna jońyshqa, 100 gektaryna júgeri daqyldaryn ekken.

Tyń tehnologıalardy paıdalaný arqyly mol ónimge qol jetkizgen sharýashylyqtyń ónimderine suranys joǵary bolyp otyr. Búginde Reseıdiń Máskeý, Sankt-Peterbýrg qalalarynan kelgen kásipkerler ózderi tasymaldap áketýde. Bul – sharýalardyń tókken teri men eńbeginiń jemisi.

Al, Baltakóldegi dıqandar ǵylymǵa negizdelgen, sońǵy ozyq tehnologıalardy paıdalanyp 104 gektar alqapqa tamshylatyp sýarý ádisimen pıaz ekken bolatyn. Dıqandar ár gektarynan 60 tonnadan ónim alýda. Bul ónimder kelisimshart boıynsha «Otyrar qoıma» JSHS-niń qoımasynda saqtalady. Sonymen qatar, 50 gektar alqapqa tamshylatyp sýarý ádisimen kúzdik pıaz egilip bitti.

Aýylsharýashylyq sharýalarynyń aıtýynsha, tamshylatyp sýarý ádisimen egilgen kúzdik pıaz alqaby aýyldyń, aýdannyń, qalanyń, oblystyń aýylsharýashylyǵynda atqarylǵan birden bir is bolyp otyr. aıtýlarynsha, pıaz ónim bergen kezde jazdyq ónimder taýsylyp, Qazaqstannyń barlyq aımaqtarynan suranystar arta túsedi eken.

Aýdan basshysy dıqandardyń ónimdi eńbegine rızashylyǵyn bildirip, jumystaryna tabys tiledi.