Qazaqstanda joǵarǵy bilim salasyndaǵy zańsyz aqsha aınalymy jylyna 100 mıllıon dollardan asyp túsedi.

"Jalpy joǵary bilim salasyndaǵy zańsyz aqsha aınalymy jylyna 100 mln.AQSH dollarynan asyp túsýi ábden múmkin",- delingen vedomstvanyń baspasóz-relızinde.

QR Bilim jáne ǵylym vıse-mınıstri Takır Balyqbaevtyń aıtýynsha, búginde JOO-lardy basqarý kúńgirt jáne esep bermeıtin deńgeıde. "Ókinishke qaraı, búgingi tańda bizdiń JOO-lar deńgeıindegi barlyq sheshim móldir emes. Munda sybaılas jemqorlyqtyń elementteri óte joǵary. Elimizde sybaılas-jemqorlyq jaǵynan bilim salasy úshinshi orynda tur. Sarapshylar bergen aqpar boıynsha, stýdenttiń bir sesıasy 50 myń teńgeni quraıdy, tipti odan da joǵary. Al jalpy zańsyz aqsha aınalymy ondaǵan mıllıon dollardan asyp túsedi",- dedi Takır Balyqbaev Joǵarǵy oqý oryndarynyń jetekshileri qatysqan jınalysta.

Bilim jáne ǵylym vıse-mınıstri Takır Balyqbaev jaqyn ýaqytta Bilim jáne ǵylym mınıstrliginde antıkorrýpsıalyq saıasatqa qarsy Keńes qurylatynyn tilge tıek etti. Onyń aıtýynsha, bul JOO-larda sybaılas jemqorlyqqa qarsy kúresti úılestirip, jastardy para bermeýge, jemqorlyqqa qarsy turýǵa tárbıeleýge septigin tıgizedi. tengrinews.kz