Ýkraına bas prokýrory Oleg Mahnıskıı: «Ianýkovıchtiń memleketten urlaǵany - 100 mlrd. AQSH dollary» dep habarlaıdy. Bas prokýrordyń sózine qaraǵanda, Ýkraınanyń qashyp júrgen burynǵy prezıdenti Vıktor Ianýkovıch bul 100 mlrd. dollardyń belgili bir mólsherin Eýropa bankterine salsa, onyń 32 mlrd. AQSH dollaryn júk mashınasyna tıep, Reseıge aparǵan. Qazirgi Shyǵys Ýkraınadaǵy búlikshiler men orys separatısterin ury Ianýkovıch osy urlyq aqshamen qarjylandyryp otyrsa kerek. Oǵan Pýtınniń kók tıyny da shyǵyp jatqan joq degen sóz, dep jazady Tengrınús.
Bul - bir ǵana Ianýkovıchtiń lańy. Al, burynǵy TMD elderinde qanshama ıanýkovıchter óz memleketterinen, óz halqynan urlaǵan-jyrlaǵandaryn qaıda aparyp jasyryp jatyr eken? Ýkraınadaǵy jaǵdaıdan keıin Reseı urylarynyń shetelderge jasyrǵan urlyq aqshalaryna sanksıalar jarıalanyp, olardyń esep-shottary jappaı buǵaýlanýda.
Osydan qatty sekem alǵan bizdiń memleket basshysy taıaýda ofshordaǵy aqshalardy elge ákelip, zańdastyrý kerek dep bizde de ury-qarylar bar ekenin ashyq moıyndap, ony jalpaq jurtqa jaıyp salǵany belgili. Keıbir aqparattarǵa qaraǵanda, bizdegi urylar ol urlyq aqshalaryn Batys bankilerinen alyp, Reseı men Shyǵys elderi bankilerine salyp jatqan kórinedi. Erteń Ianýkovıch sıaqty olardyń da bastaryna kún týa qalǵan jaǵdaıda, baryp bas saýǵalaıtyn jerleri – jalǵyz Reseı ekenin ishteri sezedi. Onyń ústine Reseı olardyń bar bolsa, barlyq qylmystaryn jipke túzip júrgen el. Erteń Reseıge qarsy shyqsa, olar bul qylmystylardyń bylyqtaryn biraaq kúndi ashyp tastaıdy degen sóz.
Bıliktiń nege «Eýroazályq odaq» degenge sonshama qushtar bolyp júrgenin - kózi qaraqty jandar endi ańǵara bastaǵan shyǵar deımin. Jalpaq tilmen aıtqanda, Qazaqstan halqynyń esebinen urlanǵan ol aqshalardyń qyzyǵyn endi olardyń týǵan halqy – biz qazaqtar emes, negizinen Reseı halqy ǵana kóretin sıaqty. . Bógde tilde shúldirlegish sheneýnikteri: «Memleket, otan, týǵan halyq» degen túsiniktiń joǵy belgili. Osy jyldyń mamyr aıynyń aıaǵynda Reseı, Qazaqstan, Belarýssıa – «Eýrazıalyq odaq» qurady. Sóıtip, bul elder táýelsizdigin tárk etpek. Belarýssıa prezıdenti Lýkoshenko ol «odaqqa» qarsylyǵyn bildire bastaǵanymen, Pýtın alǵan betinen qaıtatyn emes. Bularǵa táýelsizdikten góri jeke bastarynyń amandyǵy kerek bolyp tur.
Jumash Kenebaı,
