Jerimiz keń bolsa da halqymyz az. Ótken jyly 1 qyrkúıekte QR Statısıka agenttiginiń tóraǵasy Álıhan Smaıylov Qazaqstanda halyq sany 17 mln. 75 myń adamǵa jetkenin habarlaǵan bolatyn. Onda qazaqtardyń úlesi 11 mln. 1 myń 739 adamǵa jetti dep kórsetilgen edi. Al, bıylǵy málimetke súıensek, qazaqtar Qazaqstannyń 65,6 paıyzyn qurap, 11mln. 287 myń adamǵa jetken. Alaıda, jalpy álemde qansha qazaq bar ekenin eshkim naqtyly aıta almaıdy.

Qazaqta «kóp qorqytady, tereń batyrady» degen sóz bar. Kóp bolǵanǵa ne jetsin?! Jaqynda ózge elder álemdegi qazaqtardyń jalpy sany 20 mıllıonǵa jýyq degen aqparat tartty. Iá, sol mejege qashan jetemiz dep júrgende bul aqparat bizdi eleń etkizdi. Al, biz osyǵan deıin jer betinde 15 mıllıon qazaq bar dep keldik. Olaı bolsa, sol sheteldikterdiń sanaǵyna kóz júgirtip kóreıik. Negizi sanaq Túrkıa úkimetiniń zertteýimen jasalǵan eken.

1. Ózbekstanda resmı derekter boıynsha 2 mıllıon 500 myń; 2. Qytaıda 2 mıllıon 250 myń; 3. Reseıde 1 mıllıon 310 myń; 4. Mońǵolıada 120 myń; 5. Túrkimensanda 125 myń; 6. Aýǵanstanda 45 myń; 7. Túrkıada 30 myń; 8. Germanıada 17 myń; 9. Tájikstanda 16 myń; 10. Iranda 53 myń 700; 11. Ýkraınada 15 myń; 12. Fransıada 15myń; 13. AQSH-ta 10 myń; 14. Belarýssıada 5 myń; 15. Kanadada 5 myń; 16. Ázirbaıjanda 3 myń; 17. Grýzıada 3myń; 18. Pákistanda 5 myń; 19. Moldvada 3 myń; 20. Anglıada 2 myń; 21. Lıtvada 3 myń; 22. Shvesıada 1 myń; 23. Estonıada 1 myń; 24. Armenıada 1 myń; 25. Avstralıada 1 myń; 26. Argentınada 700; 27. Iordanıada 300; 28. Izraılde 200; 29. Fınlándıada 64; 30. Belgıada 2 myń; 31. Aýstrıada 900 dep kórsetken.

Bul esepke súıensek, jer betinde 17 mıllıon 800 myńnan artyq qazaq bar eken. Búl taǵy 2010-2012-2013 jyldardaǵy málimetter negizinde qaralypty. Dál qazirgi esep boıynsha jer júzindegi qazaqtardyń sany 18 mıllıon deýge negiz bar dep boljam jasapty túrikter.

Kúnsultan OTARBAI, «SKIFNEWS.KZ».