Tanymal aıtysker aqyn Aınur Tursynbaevanyń qyzy tamyzdyń 30 kúni «Báıterek» monýmenti mańaıynda bolǵan jol kólik apaty isi boıynsha tergeýden ótip jatyr,- dep habarlaıdy Qamshy.kz Today.kz-ke silteme jasap. 18-jastaǵy Aıdana Kópbosynova Land Rover Discovery 4 kóligin júrgizip kele jatyp, 28 jastaǵy Meıirjan Qasymǵalıevty qaǵyp ketken.
Zardap shegýshi jigittiń ápkesi Mereı Eskendirovanyń málimetinshe, jas jigit áli kúnge deıin emhanada jatyr. Oǵan jabyq bas-súıek mı zaqymy jáne mı jaraqaty, kóptegen synyqtar bar degen dıagnoz qoıǵan
«Dárigerler úsh aı ishinde oǵan turýǵa bolmaıdy dedi, ázirshe kúnine bes mınýt qana otyrady. Onyń únemi basy aınalady. Jaqynda ǵana baýyrymdy qaqqan qyzdyń anasy habarlasty. Ol kómek retinde eki mıllıon jınaǵanyn aıtty. Biraq, onyń bári bos sóz bolyp qaldy. Kezdesýge shaqyrdy, biraq biz tek zańgerdiń qatysýymen ǵana kezdesýge kelisemiz. Maǵan onyń sóıleý máneri unamady. Allany aýzyna ala beretini jaqsy nıetten shyǵar, biraq onysy bizge eshqandaı senim bermeıdi. Men oǵan usynylǵan somanyń óte az ekenin aıttym, ol qarajat meniń baýyrymnyń saýyǵyp ketýin qamtamasyz ete almaıdy»,- dep aıtqan Mereı Eskendirova.
Meıirjan Qasymǵalıevtyń otbasy isti sotqa deıin aparyp, apatqa kinálini jaýapqa tartqyzatyndaryn atap ótti.
«Ol zań boıynsha jaýap bersin, bastysy tergeýshiler isti buryp jibermese bolǵany. JKA jalǵyz kýágeri eki apta boldy baılanysqa shyqpaıdy, habarlamaǵa da, qońyraýlarǵa da jaýap bermeıdi. Bul da bizdi alańdatady», - dep shaǵymdandy Eskendirova.
Óz kezeginde Aınur Tursynbaeva portal tilshilerine zardap shegýshiniń otbasy kez-kelgen kómekten bas tartyp otyrǵanyn jetkizgen, úlken somany da ótemaqy retinde alǵysy kelmeıtinin málimdedi.
"Biz kómektesýge daıynbyz, biraq olar kómekten bas tartýda. Aıdana ol jigitti qaǵyp ketken kezde jedel járdemdi ózi shaqyrǵan. Biz kún saıyn emhanaǵa kelip turdyq, biraq keıinnen olar kúzet qoıyp, bizdi ishke kirgizbeı qoıdy. Jigittiń otbasy óte úlken somada qarajat surap otyr, biraq bizde ondaı qarjylaı múmkindik joq. Olar bizden 30 myń dollar surady, eger ondaı kólemde aqsha bolsa kezdesýge kele alasyzdar, al joq bolsa, elemeı-aq qoıyńyzdar,- dedi. Biz kómektesýge daıynbyz: qaraıtyn kútýshini de jaldap bermek boldyq, aqyly palataǵa da aýystyraıyq, dári-dármek, azyq-túligin de alyp bereıik dedik. Qyzym oǵan emhanaǵa barsa, anasy endigári kelme depti. Endi zań boıynsha jaýap berýge týra keledi. Basqa shara joq»,- dep jaýap berdi oqıǵaǵa qatysty Aınur Tursynbaevanyń ózi.
Astana qalasy İİD atalǵan faktige 345-shi baby boıynsha « JJE buzdy nemese tulǵalardyń kólik quraldaryn paıdalanýy» QR Qİ sotqa deıingi tergeý jumystary júrip jatqanyn málimdedi. Zardap shegýshiniń emi aıaqtalǵan soń júretin tekseriske kerek sarapshylar belgilendi,- dedi.
«1998 jyly týylǵan kólik júrgizýshisi Land Rover Discovery kóligin «Báıterek» monýmentine qarsy Aqmeshit kóshesi boıymen júrgizip kele jatyp, sol jaqtan oń jaqqa qaraı jaıaý júrginshiden ótip kele jatqan 28 jastaǵy Meıirjan Qasymǵalıevti qaqqan. JKA saldarynan túrli dene jaraqattaryn alǵan jaıaý júrginshi emhanaǵa jatqyzyldy», – delinedi polısıa málimetinde.
Mekemede buǵan deıin Land Rover Discovery kóliginiń júrgizýshisi quqyq buzý jaýapkershiligine tartylmaǵanyn atap ótti.
Esterińizge salsaq, Meıirjan Qasymǵalıevtyń týystary tamyzdyń 30 kúni «Báıterek» monýmenti janynda bolǵan JKA kýágerleriniń habarlasýyn suraıdy. Jas jigit ǴZI-da travmotologıa ján bas mı súıegi zaqymndanyp, túrli synyqtarmen jatyr. Keıinnen jábirlenýshiniń ápkesi belgisiz bir alaıaqtardyń sol oqıǵany túsirgen vıdeojazba bar dep, ózderine satýǵa tyrysyp júrgenin aıtty.
