Avstralıanyń shyǵysyndaǵy Kvınslend shtatynyń turǵyndary erekshe tabıǵı qubylystyń tamashalady, dúısenbi túnge qaraı aspan kenetten jap-jaryq bolyp ketti de sodan soń jarylys boldy,-dep habarlaıdy Qamshy.kz  QazAqparatqa silteme jasap.

Kvınslend polısıasynyń málimdeýinshe, Gledstoýn, Greısmır jáne basqa da shaǵyn qalalardyń turǵyndary aspan jaryq sáýlege boıalyp, úıleri dirildegenin keıinnen alysta jarylys dybysy estilgenin habarlaǵan. Keıbir adamdar aspanda otty shar kórgenin aıtqan. 
Gladstone Observer gazetine suhbat bergen astrofızık Djonatan Makdaýell bul qubylysqa meteor sebepshi boldy degen tujyrym jasap otyr. «Bul úlken meteor bolýy yqtımal. Shamamen úlkendigi 1 metr bolýy múmkin, ıaǵnı onyń bólshekteri Jer betine sheıin jetip otyr», - dedi ǵalym. Alaıda bul ázirge rastalmaǵan boljam ǵana.
Polısıanyń naqtylaýynsha, osy oqıǵa boıynsha zardap shegýshiler jáne qıraýǵa qatysty aqparat kelip túspegen.