Almaty oblysy Jambyl aýdanynda qaraqshylardyń qolynan qaza tapqan úsh azamattyń biri Qadylbek Álimhanulynyń janazasynda oblys ákiminiń orynbasary Baqtıar Ónerbaev qolǵa túsken qylmyskerlerdiń qatań jazalanatynyn aıtty, - dep habarlaıdy Qamshy.kz.

«Keshe oblys ákimi Amandyq Ǵabbasuly oblys aktıvin jınap, bolǵan oqıǵaǵa qatysty birqatar tapsyrmalar berdi. Sol tapsyrmamen biz osynda kelip, janazaǵa qatysyp jatyrmyz. Ekinshi tapsyrma – qolǵa túsken qylmyskerlerdiń zańǵa saı qatań jazaǵa tartylýy. Ol qaraqshylar, árıne, zań aldynda sazaılaryn tartady. Biz oǵan kepildik beremiz», - degen oblys basshysynyń orynbasary halyqty osy másele tóńireginde alyp-qashpa áńgimelerge, iritki salýǵa jol bermeýge shaqyrdy. 

Esterińizge salsaq, ótken 18 qyrkúıek kúni Almaty oblysy Jambyl aýdanynda úsh birdeı azamat qaraqshylardyń qolynan qaza tapqan bolatyn. Osy oqıǵaǵa qatysty polısıa eki kúdiktini qamaýǵa aldy.