Dúnıejúzilik ekonomıkalyq forým sársenbide 2016-2017 jyldarǵa arnalǵan Jahandyq básekege qabilettilik jónindegi Esepti jarıalady. Zertteý nátıjesige sáıkes, álemniń 138 memleketiniń ishinen Qazaqstan 53-shi orynǵa ıe boldy,- dep habarlaıdy Qamshy.kz QazAqparatqa silteme jasap.
Eske sala ketsek, 2015 jyly Qazaqstan 140 eldiń ishinde 42-shi orynda edi.
2016 jylǵy zertteý nátıjesige sáıkes, básekege qabilettilik reıtıńi boıynsha álemniń 138 memleketiniń ishinen jalpy ortasha 4,41 bal jınaı otyryp (2015 jyly 4,49 bal), Qazaqstan 53-shi orynǵa ıe boldy. Reıtıń boıynsha Qazaqstannyń osy jylǵy kórshileri - Rýanda (52-shi oryn) jáne Kosta-Rıka (54-shi oryn) memleketteri.
TMD elderiniń ishinen Qazaqstan Ázirbaıjan (37-shi) men Reseıden (43-shi oryn) keıingi úshinshi orynda. Sondaı-aq Grýzıa - 59-shy oryn, Tájikstan - 77-shi oryn, Armenıa - 79-shy oryn, Ýkraına - 85-shi oryn, Moldova - 100-shi oryn, Qyrǵyz Respýblıkasy- 111-shi oryn.
Alǵashqy úsh orynǵa Shveısarıa, Sıngapýr jáne AQSH ıe boldy. Reıtıń sońynda Iemen (138), Mavrıtanıa (137) jáne Chad (136) ornyqty.
Saraptaı kele mamandar, «damýdyń barlyq deńgeıindegi ekonomıka ashyqtyǵynyń 10 jylda tómendeýi elderdiń ósýi men ınovasıalardy engizý múmkindigine qaýip tóndiretindigin» aıtyp otyr. Jahandyq básekege qabilettilik ındeksi 113 kórsetkish arqyly túziledi.
144 kórsetkishten ekonomıkalyq damýdyń túrli deńgeılerinde ornalasatyn álem elderiniń básekege qabilettiligin sıpattaıtyn 12 básekege qabilettilik faktoryn shyǵarylady. Olardyń ishinde ınstıtýttar, ınfraqurylym, makroekonomıkalyq orta, densaýlyq saqtaý, bilim berý jáne kásibı daıyndyq, taýar naryǵynyń tıimdiligi men eńbek naryǵy, qarjy naryǵynyń damýy, ınovasıalar.
