Ulttyq qordy paıdalanýdyń jańa tujyrymdamasy ázirlenedi. Bul týraly búgin QR Parlamenti Májilisiniń jalpy otyrysynda depýtattardyń saýalyna oraı QR Ulttyq ekonomıka mınıstri Qýandyq Bıshimbaev málim etti,- dep habarlaıdy Qamshy.kz QazAqparatqa silteme jasap.
Mınıstr otyrys barysynda «Qazaqstan Respýblıkasynyń Ulttyq qorynan 2016-2018 jyldarǵa arnalǵan kepildendirilgen transfert týraly» QR Zańyna ózgeris engizý týraly» QR Zańynyń jobasyn tanystyrǵan bolatyn.
«Qarastyrylyp jatqan Zańǵa sáıkes 2016 jyly kepildendirilgen transferttiń mólsheri 400 mlrd teńgege azaıtylyp, al 2017-2018 jyldary buryn bekitilgen 2480 mln teńgeni qarastyryp otyrsyzdar. Sonymen qatar búgingi tańda Májiliste 2017-2019 jyldary Ulttyq qordan kepildendirilgen transfert týraly jańa Zań jobasy qaralyp jatyr. Onda 2017, 2018 jáne 2019 jyldarǵa arnalǵan kepildendirilgen transfert mólsheri kerisinshe 2 880 mlrd teńge deńgeıinde josparlanýda. Sizder osy jyly transfert mólsherin azaıttyńyzdar, alaıda kelesi jyldary transfert mólsherin osynsha somaǵa derlik ulǵaıtyp otyrsyzdar. Osy jospardyń negizgi sebebi nede?», - dep surady mınıstrden májilis depýtaty Aızada Qurmanova.
Óz kezeginde Q.Bıshimbaev bul 2016 jyldyń basyndaǵy boljamǵa baılanysty jaıt ekendigin atap ótti.
«Boljamymyz óte pessemısti túrde jasalǵan bolatyn. Qazirgi jaǵdaıda, 8 aıdy qaraǵanda boljamymyzdan búgingi jaǵdaı jaqsy deýge bolady. Óıtkeni, ekonomıkanyń, onyń salalarynyń ósýi baıqalady. Munaı óndirý kólemi de ulǵaıýda. 8 aıdyń bul nátıjesi bizdiń boljamymyz pesımısik bolǵanyn dáleldeıdi. Bıyl 800 mlrd teńgeden astam qosymsha salyq kiristeri jáne basqa da kirister alynady. Osyǵan oraı bıyl kepildendirilgen transfertti tómendetýge múmkindik týyndaıdy. Al kelesi jyldardy alar bolsaq, Parlamentke engizilgen 2017 jyldyń búdjetinde bizdiń boljamymyz konservatıvti túrde kórsetilgen. Ulttyq qordy paıdalaný tujyrymdamasyna sáıkes biz jyl saıyn 8 mlrd dollardy, teńgege shaqqanda 2 880 mlrd teńgeni alýǵa quqyǵymyz bar. Biraq, osy jyldyń sońyna deıin jańa tujyrymdama ázirleıtin bolamyz. Óıtkeni, ulttyq qordy bulaı paıdalanatyn bolsaq, onyń tómendeý qaýipi óte joǵary», - dedi Q.Bıshimbaev.
