Oblystyq tótenshe jaǵdaılar departamenti ókiliniń habarlaýynsha, apat saldarynan zaqym kelgen 150 metrge jýyq temirjol bóligi men kontaktili jeliniń 4 baǵanyn qalypqa keltirý jumystary qyzý júrgizilýde. Keshe keshke tótenshelikter 12-14 saǵattyń ishinde qalpyna keltirý jumystaryn aıaqtaýǵa ýáde etken bolatyn. «Qalpyna keltirý jumysy aıaqtalǵansha osy mańnan ótetin barlyq poıyz jaqyn mańdaǵy stansalarda toqtap tur», − deıdi departament ókili. Esterińizge sala keteıik, Shymkent qalasynan shamamen 40 shaqyrym qashyqtyqta, Ordabasy aýdanynda «Chernovodskıı-Badam» ótkeline jaqyn mańda «Shý – Arys» baǵytyndaǵy júk poıyzynyń 29 vagony relsten shyǵyp ketken bolatyn. Júk poıyzy kúkirt qyshqyly, qurylys materıaldary, konteınertasyǵysh, astyq tıep kele jatqan.