Almaty oblysyndaǵy «Dostyq» stansıasy polısıasynyń bastyǵy men onyń orynbasary korrýpsıa kúdigimen ustaldy, - dep habarlaıdy Qamshy.kz Azattyqqa silteme jasap.

Korrýpsıaǵa qarsy is-qımyl qyzmetiniń habarlaýynsha, ishki ister mınıstrligi kóliktegi ishki ister basqarmasy «Dostyq» stansıasyndaǵy jelilik polısıa bóliminiń bastyǵy, podpolkovnık T.Quıqabaev pen onyń orynbasary, podpolkovnık D.Mádıbaev ustalǵan.

Korrýpsıaǵa qarsy qyzmettiń aqparatyna qaraǵanda, kúdiktiler «júkti kedergisiz tıeý úshin» para alý kezinde ustalǵan. Olardyń qashan ustalǵany aıtylmaıdy.

Kúdiktiler Sarqan aýdandyq ishki ister bóliminiń ýaqytsha ustaý ızolátoryna jabylǵan.

Almaty oblysynda Qytaıǵa jolaýshy men júk tasymaldaıtyn poıyzdar ótetin negizgi eki temirjol beketi bar, olardyń biri – «Dostyq – Alashankoý».