Brazılıadaǵy San-Paýlý qalasyndaǵy túrmede qamaýdaǵylar kóterilis jasaǵan. Kóteriliske túrmeniń shekten tys tolyp ketýi sebep bolsa kerek. Nátıjesinde 200 qylmysker qashyp ketken, - dep habarlaıdy Qamshy.kz.
Kóterilis kezinde qylmyskerler matrastardy órtep, órt lapyldap, tútin býdaqtaǵan kezde ǵımarattan qashyp shyqqan. Olar qorshaýdy da qıratyp tastaǵan. Kúzetshiler jaqyn aımaqtan qashqyndardy izdestirýde. Birneshe qashqyn trassadan ustalsa, bireýi jolda mert bolǵan. Aqparattarǵa súıensek, bul túrmede 800 adam artyq qamaýda eken.
Esterińizge salaıyq, osy aıda fransýz túrmesinde kóterilis boldy. Sondaı-aq bıyl AQSH -ta da túrme kóterilisteri oryn aldy.
