Uzynaǵashqa mal satýǵa kelip, artynsha óltirildi degen aǵaıyndy 3 azamattyń isinen keıin mundaǵy mal bazardaǵy túrli-túrli oqıǵalardyń beti ashylyp jatyr. Anyqtalǵandaı qandy oqıǵaǵa deıin dál osy bazarda birneshe saýdager iri kólemdegi aqshalarynan aırylǵan. Tipti biri 4 mıllıon aqshasyn urlatyp alǵan. Al byltyr mal satýǵa kelgen azamattyń óli denesi kómilip jatqan jerinen tabylǵan kórinedi, - dep habarlaıdy Qamshy.kz 31-arnaǵa silteme jasap.
Esbolat Maǵaz mal saýdasymen aınalysqanyna 3-4 jyldyń júzi bolǵan. Qasyna senimdi seriktesterin ertip alyp, osydan eki jarym aı buryn Uzynaǵashtaǵy mal bazaryna kelip, iri qaralaryn satqan. Al odan túsken paıdany:
ESBOLAT MAǴAZ, Saýdager:
- Mynaý esik ashyq turady, dál osyndaı bolyp. Sol sátte myna jaq esikten 1 mınýtqa jeter jetpes ýaqytta kózge ildirmeı alyp ketken ǵoı aqshany.
Ury tájirıbeli jáne ol jalǵyz bolmaǵan deıdi Esbolat.
ESBOLAT MAǴAZ, Saýdager:
- Art jaǵynan bir adam shaqyrady, ospaqtap. Ol mal satylyp ketken deıdi bizdiń jigit oǵan. Sóıtse anaý áı kelip durystap aıtshy, ne degen jaqsy maldar dep taǵy da shaqyryp alǵan. Bizdiń jigit mashınadan túsken. Al sýmkadaǵy 4 mıllıon teńgeni týra osy jerge qoıyp ketken.
4 mıllıon joǵalǵan soń, olar birden polısıa kómegine júgingen. Alaıda olar, murty maılanǵan uzynaǵashtyq urylardy ustaýǵa asyqpaı otyr deıdi.
Uzynaǵashtaǵy mal bazaryna kelgender urlyq órship tur, al beınekameralar tek kózboıaýshylyq úshin ǵana tur deıdi.
- Bizde ótken jyly osy bazarda 840 myń teńgeden aıyryldyq. Bas aıaǵy 10 mınýttyń ishinde.
- Beıbit kúnde azamattarymyz, bala shaǵasynyń yryzdyǵy,óziniń taban eti mańdaı terimen tapqan tabystary birer mınýtta joǵalýy urylardyń ábden dándep, uıymdasqanyn kórsetedi.
Mal múlik bylaı tursyn, munda adam da joǵalyp, artynsha óli tabylyp jatatyn kezder boldy deıdi saýdagerler.
GÝLI SHÁMIQYZY:
- Birinshi malyńyzdy alamyz dep shaqyrǵan. Ol jigit sengen. Senimdi adamdar ǵoı dep barǵan. Motosıklmen barǵan. Onan keıin mashınadaǵy saımandaryn alyp ol jigitti sabaǵan. Aqshasyn almaqshy bolǵan. Ol jigit sezip, senderge keregi aqsha ma dep aqshany kózderinshe jyrtyp tastaǵan. Keıinnen ol eki azamat ony óltirip tastaǵan.
Sondyqtan, saýda jasaýshylar bul jaǵdaıdy tıisti organdar qatań nazarǵa alsa deıdi.
