Rejıser Ádilhan Erjanov ( «Qaratas aýylyndaǵy chýma», «Qojaıyndar») «Qazaqfılm» prezıdenti Serik Jubandyqovty búdjetten aqsha jymqyrdy dep aıyptady,- dep habarlaıdy Qamshy.kz  Tengrinews.kz-ke silteme jasap. Ol bul málimdemeni «Eýrazıa» kınofestıvalinde  úzdik rejıssýra marapatyn alyp jatqan kezde aıtty.  Erjanov QR sport jáne mádenıet mınıstri  onyń jańa jobasyna 100 mıllıon teńge bólgenin, biraq «Qazaqfılm» vıse-prezıdenti oǵan tek 20 mıllıon qaldyrǵanyn jaıyp saldy.

«Olar biz osy jyly 20 mıllıonǵa fılm túsirgenimizdi qalaıdy, biraq ta mınıstrlik bizge 100 mıllıon bólgen. Osy  másele meni mazalaıdy.  Basshylyq  «Qazaqfılm» ishinde mınıstrlikke kórsetpeıtin  20 mıllıondyq smeta jasap qoıdy. Men olarmen daýlasýdan sharshadym, men bul jaıly búgin sahnada aıtýǵa sheshim qabyldadym.  Olar bárin zań aıasynda jasasyn nemese jobany jaýyp tastasyn.  Aqsha bermeı me, eshteńe etpeıdi, men ózim túsiremin. Bastysy, meniń fılmim arqyly urlyq jasamasa bolǵan»,- dedi Erjanov.

Óz kezeginde, Serik Jubandyqov eshkimniń aqsha urlap jatpaǵanyn jáne ony ıemdený oılarynda da joq ekenin aıtty. Onyń sózinshe, ázirshe bul másele sheshilmegen. « Oǵan áli 100 mıllıon bólinbegen, bul tek josparlanyp jatyr.  Shamamen 20 mıllıondy bastapqy soma retinde bólgen.  Biz kelisimshartqa zańdy túrde otyrdyq. Bul óndiristik proses,- dep málimdedi Jubanov.