Elimizdiń bas prokýrory áleýmettik jelini baqylaýǵa áli kelmeı otyrǵanyn moıyndady. Sonyń kesirinen lańkestik pen zorlyq-zombylyqty nasıhattaýshylardyń jolyn kese almaı otyr,-dep habarlaıdy Qamshy.kz KTK arnasyna silteme jasap.

El ishinde iritki salyp júrgen ásiredinshilderdiń qatary osy áleýmettik jeli arqyly kún sanap kóbeıip barady. Jıhadqa shaqyrǵan sodyrlardyń úndeýi de erkin tarap jatyr. Tipti, maýsym aıynda Aqtóbede soıqan salǵandar Sırıadaǵy ımamdarynyń nusqaýymen qoldaryna qarý alǵan bolatyn. Sol qyrǵyn kezinde 18 sodyrdyń kózi joıyldy. Aqtóbeniń stýdentterimen kezdesken Bas prokýror áleýmettik jelini baqylaýǵa áli kúnge deıin tehnıkalyq jadaıdyń joqtyǵyn moıyndady. Degenmen, ózi ǵalamtor arqyly emes, tikeleı el aralap nasıhat jumysyn júrgizýdi jón sanapty. Ol úshin keshe eki júzge tarta nókerin Aqtóbege erte kelgen edi. Olar bir aıy boıy osynda bolyp, oblystyń áleýmettik jaǵdaıymen tanysady. Jat aǵymnyń jeteginde ketkenderdi jónge salamyz dep otyr. Aqtóbede eki kún ǵana aıaldaǵan bas prokýror - áriptesteriniń mundaǵy jumysyn Astanadan baqylamaq. 

Jaqyp Asanov, QR bas prokýrory:

-Buryn biz syrttan keletin terrorısterden qorqatyn edik. Qazir endi ishimizden shyǵyp jatyr. Bul degen óte qaýipti. Olardyń maqsaty bireý. Álemdi jaýlaý, bılikti alý.