Aksıa oblystyq ákimdik ǵımaratynyń aldynda ótken. Káris jigitterine elikteıtin ánshilerdiń 30-ǵa jýyq tyńdarmany tanymal boız-bendtiń konsertterin qalada toqtatpaýdy talap etti. Shamamen bir saǵatqa sozylǵan aksıa kezinde tártip buzýshylyq oryn alǵan joq,- dep habarlaıdy Qamshy.kz Baq.kz-ke silteme jasap.

Toptyń tyńdarmandary, sondaı-aq, Aqtóbe oblysynyń ákimine de arnaıy úndeý joldaǵan. Bul beınejazba Instagramdaǵy aktobe_zello paraqshasynda jarıalandy.

Olar oblys basshysyna toptyń konsertterin qalada ótkizbeı qoıý úlken ádiletsizdik ekenin aıtqan. «Olar keledi dep arnaıy syılyqtar daıyndadyq, jospar qurdyq. Birneshe kún qalǵanda myńdaǵan qyzdyń kóz jasyna qalǵaly otyrsyzdar», - deıdi muńyn shaqqan boıjetkender.

Eske sala ketsek, buǵan deıin Aqtóbede on shaqty asaba atalǵan toptyń konsertin qalada ótkizbeýdi talap etken edi.