Gadjet bólshekterge bólinip ketken. Bul týraly Qamshy.kz RIA Novostı-ge silteme jasap habarlaıdy. Aqparat kóziniń málimdeýinshe, Reddit saıtyna kroopthesnoop atymen tirkelgen qoldanýshy jańadan satyp alǵan iPhone 7 gadjetiniń qalaı jarylǵanyn sýretke túsirip salǵan.
Smartfonmen birge onyń qoraby da órtengen. Jarylys telefondy paıdalanbaı turyp bolǵan. Qoldanýshy telefondy satyp alǵan soń úıine ákelgende gadjet ózinen ózi órtene bastaǵan. Aqparat kóziniń habarlaýynsha jarylysqa akýmýlátordyń zaqymdalýy sebep bolýy múmkin.
Esterińizge salaıyq, jańa iPhone 7 jáne iPhone 7 Plus telefon úlgileri qyrkúıek aıynda satylymǵa shyǵyp, az ýaqytta rekordtyq taralymmen satylyp ketken.
