QR Aqparat jáne komýnıkasıa mınıstri Dáýren Abaev «Kazahstanskaıa pravda» gazeti, «Qazaqstan» RTRK men Ortalyq komýnıkasıalar qyzmetiniń jańa basshylaryn tanystyrdy,-dep habarlaıdy Qamshy.kz.
«Kazahstanskaıa pravda» gazetiniń basqarma tóraǵasy bolyp Vácheslav Pashenko taǵaıyndaldy.
Mınıstr burynǵy basshy Aleksandr Tarakovqa jemisti eńbek etkeni úshin alǵys bildirip, onyń «Kazahstanskaıa pravda» júıesinde tóraǵa orynbasary bolyp qalatynyn málimdedi.
«Sizderdiń aldaryńyzda úlken mindet tur. Sizderdi eldiń ekonomıkasy men saıasatyna yqpal etetin aýdıtorıanyń oqyǵany mańyzdy», - dep atap ótti D.Abaev.
Al, «Qazaqstan» RTRK» AQ ujymyna mınıstr jańa basqarma tóraǵasy Kemelbek Oıshybaevty tanystyrdy.
Mınıstrdiń habarlaýynsha, korporasıanyń burynǵy basshysy Nurjan Muhamedjanova tóraǵanyń birinshi orynbasary laýazymyn atqarady jáne kompanıa jáne onyń fılıaldarynyń strategıalyq máselelerine qatysty jumysyn retteıtin bolady. Dáýren Abaev korporasıanyń jemisti jumysyn erekshe atap ótti jáne ujymǵa sáttilik tiledi.
Óz kezeginde Kemelbek Oıshybaev korporasıa ujymy qoıylǵan jańa mindetter men talaptardy aqtaýǵa tyrysatyndyǵyn atap ótti.
«Sizdiń barlyq tapsyrmalaryńyz mindetti túrde oryndalatyn bolady», - dedi ol.
Sondaı-aq, búgin «Ortalyq komýnıkasıalar qyzmeti» RMK-niń de basshysy aýysty. Mınıstr mekeme ujymyna jańa basshysy Evgenıı Kochetovti tanystyrdy.
«Bul ol úshin úlken senim jáne úlken múmkindik. Ol aldyna qoıylǵan mindetterdi sátti atqaryp shyǵatynyna senimdimin. Qazir Ortalyq komýnıkasıalar qyzmetiniń aldynda úlken mindetter tur: bul qarym-qatynasty odan ári tereńdetý, jańa format, Evgenııdi jaqsy tanıtyndyqtan, ol bul mindetti tolyq atqaryp shyǵatynyna senemin. Munda óte myqty ujym qalyptasqan. Sondyqtan buny óte jaqsy qoldap otyrý qajet», - dedi D. Abaev.
Pashenko Vácheslav Valentınovıch 1978 jyly 15 shildede dúnıege kelgen. Almaty memlekettik ýnıversıtetin orys fılologıasy jáne Ekonomıka jáne quqyq akademıasyn qarjy jáne nesıe mamandyǵy boıynsha bitirgen. QR Premer-Mınıstriniń birinshi orynbasarynyń keńesshisi, «Bıznes-Partner» ekonomıkalyq mýltımedıalyq portalynyń bas redaktory, «Interfaks-Qazaqstan» portalynyń bas redaktory bolǵan.
Oıshybaev Kemelbek Baqtyǵululy 1977 jyly 13 shildede dúnıege kelgen. Ál-Farabı atyndaǵy Qazaq ulttyq ýnıversıtetin Jýrnalısıka mamandyǵy boıynsha, Qazaq Gýmanıtarlyq-Zań ýnıversıtetin zańger mamandyǵy boıynsha, Halyqaralyq bıznes akademıasyn korporatıvti menedjment mamandyǵy boıynsha támamdaǵan, sonymen qatar Geneva Business School - MBA mektebin bitirgen. Ortalyq komýnıkasıalar qyzmetiniń dırektory qyzmetin atqardy. Sonymen birge «Qazmedıa ortalyǵy» bas dırektorynyń orynbasary, «Zaman Qazaqstan» respýblıkalyq gazeti bas redaktorynyń orynbasary, «Qazaqtelekom» AQ korporatıvtik satylymdar dıreksıasynyń bas dırektory qyzmetterin atqarǵan.
Kochetov Evgenıı Dmıtrıevıch 1988 jyly 22 sáýirde dúnıege kelgen. Qazaq gýmanıtarlyq-zań ýnıversıtetin qarjy mamandyǵy boıynsha támamdaǵan. Lomonosov atyndaǵy Máskeý memlekettik ýnıversıtetiniń ekonomıka magıstri. «Qazkontent» AQ-nyń «Kaztube» portalyna basshylyq etken. «Informburo», «Vlast» agenttikteriniń ekonomıkalyq sholýshysy, «Kazakhstan real estate group» basqarýshy dırektory, «Sesna» Korporasıasy» AQ development bólimshesiniń jetekshisi qyzmetterin atqardy.
