Sharj ámirliginde ótken «Mura kúnderi» festıvaline 37 eldiń qolóner sheberleri jınaldy. Osy aıtýyly sharada atyraýlyq zerger Bolat Atyraýbaev qazaqtyń zergerlik buıymdaryn tanystyrdy. Onyń qolynan shyqqan buıymdaryn ámirliktiń sheıhy shyǵys murajaıyna qoıý úshin satyp aldy.
Festıválge kúlli ıslam órkenıetiniń óneri kórsetildi. Kórmege túrli kilemder, altyn zerli jibek kıimder, turmystyq qajettilikter, asyl tasty qanjarlar, altyn jáne kúmis zergerlik buıymdar, sondaı-aq ár halyqtyń fólklory men taǵam ázirleý sheberligi, zamanaýı sán úlgileri qoıyldy. Sharaǵa Qazaqstannan aqtóbelik zerger Bolat Atyraýbaev pen shymkenttik kilem toqýshy Gúlmıra Begálıeva qatysty.
Festıválge arnaıy kelgen Sharj bıleýshisi sheıh Sýltan Al Kassımı barlyq elderdiń pavılondaryn aralap, ár eldiń ulttyq salt-dástúrinen syr shertetin buıymdaryn Shyǵys jáne Azıa halyqtary murajaıy úshin satyp aldy. Ol aqtóbelik zergerden sholpy, qudaǵı júzik, bes bilezik jáne birneshe saqınalar satyp alǵan.
"QazAqparat"
