BÚGİNGİ QAZAQ HALQY TÁÝELSİZDİKKE SAI HALYQ EMES!
Sáýirdiń aıaǵynda Almaty qalasynyń "Aqsaqaldar Alqasy" aǵa býynnyń Elimizdiń Eýrazıalyq Odaqqa kirýine qarsy ekenin halyqqa Úndeý arqyly jarıalap, QR Prezıdenti N.Nazarbaev pen Premer-mınıstr K.Másimovtan bul Odaqqa qol qoıýdan bas tartyp, 1 mamyrǵa deıin halyqqa sol týraly jarıalaýy týraly talap qoıdy.
Ol Úndeýde QR Bas Prokýrory A.Daýylbaevtyń bılik rejıminiń Táýelsizdigimizdi joǵaltýǵa aparatyn bul qadamyna zań turǵysynan baǵa berýge tikeleı jaýapkershiligi de aıtylǵan.
Úndeýde birneshe másele qamtylǵan bolatyn; 1. Eýrazıalyq Odaqqa kirýdiń Qazaq halqy úshin zardaptary jáne búgingi jaǵdaıda oǵan kirý múmkin emestigi týraly 2. 1 mamyrda búkil Respýblıka halqynyń birligin kórsetip, alańdarǵa shyǵýy (bul Ýkraınada bolyp jatqan jaǵdaılarǵa da baılanysty) 3. Bılik EAO qol qoıýdan bas tartpasa 7 mamyr - Otan qorǵaýshylar kúni AZATTYǴYMYZDY qorǵap alańdarǵa shyǵý.
Ýndeý "DAT - Obshestvennaıa pozısıa" gazetinde(tıraj 30 myń dana), Feısbýkte (dostarymnyń ózi 4031 adam) tolyq mátininde shyqty.Ókinishke oraı, "Azattyq Radıosy" Úndeýdiń mánisin tolyq túsingen joq, nemese túsinbegen boldy, óıtkeni Úndeýdiń negizgi ıdeıasy kórinbedi.
"Ashyq Alań-Trıbýna" gazetinde, "Matrısa.kz" saıtynda joǵaryda kórsetilgen 2 jáne 3 másele qysqartylyp basylyp, shyn máninde Úndeýdiń negizgi mánin joǵaltyp basty.
Úndeýdegi basty usynys halyqtyń pikirin, oıyn bildirýge múmkindik beretin eki meıramdy paıdalanýǵa usynys aıtylǵan bolatyn. Bul máselege mıtıń ókizýge bıliktiń mamyrdyń ishinde eshqandaı múmkindik bermeıtini aıdan anyq edi. Al, bılik (qaı Elde bolmasa da) alańdarǵa shyǵyp birligin, kópshiligin, ıaǵnı- kúshin kórsetse ǵana moındaıtynyn qaı tarıhtan bolsa da belgili. Júz forým, myń jınalys ótkizseńiz de oǵan bizdiń bılik túkirip qoıǵan! Ókinishke oaı bizdiń opozısıadaǵy azamattar sol forým, jınalyspen paryzymyzdy oryndadyq deıtin sıaqty... Onyń naqty nátıjesi bar ma, joq pa, oǵan qarap jatqan joq.
Aqsaqaldar Alqasy osyny halyq, zıaly qaýym túsiner degen úmitte bolyp edi, biraq, búgingi kúngi jaǵdaı el aǵalarynyń sol úmiti sýdaı shaıylǵanyn kórsetip otyr.
Osy Feısbýkte otyrǵan nebir danyshpan, bilimpaz, qaharmandardyń da (Kerekýdegi Rýza qaryndasymnan basqa) jarty kún demalysyn Qazaq Eliniń bolashaǵy úshin bólýge nıeti bolmapty.
Aqsaqaldar Alqasy "DAT" gazetiniń negizgi tırajy Almatyǵa taraǵan soń kópshilikti uıymdastyrýmen aınalysqan joq.
Biraq, Táýelsizdik eskertishiniń aldyna jan kelmeýi (bizden basqa) bizdiń, shynynda AZAT EL bolýǵa quqymyz joq ekenin kórsetedi. Ýkraınanyń Harkov, Odessa qalalarynda ómirlerine qaýipti bolsa da Otany úshin, Táýelsizdigi, Eliniń birtutastyǵy úshin halyq alańdarǵa shyǵyp jatyr.
Onyń qasynda bizdiń myna tirligimiz, bir jazýshynyń - "quldan qul týady" - degen sózdiń shyn ekenin kórsetedi... Renjimeńizder, Aǵaıyndar, biraq, ashshy shyndyq osy! Allanyń qazaq úshin bergen 20-synshy ǵasyrda bergen eń úlken syıy AZATTYQtan el aman, jurt tynyshta aırylaıyq dep turmyz.
Bul qylmysqa satqyn, ımansyz bılikpen birge biz de kinálimiz!
Bolashaq urpaq bul qylmysymyzdy eshqashan keshirmeıdi!
Serik Saparǵalı
FB paraqshasynan alyndy
