"Búgin Almaty-Tbılısı baǵyty boıynsha "Eır Astana" áýekompanıasynyń №141 reısin rásimdeý kezinde jolaýshydan quramynda synap bolýy múmkin kúmándi suıyqtyq quıylǵan ydys tabylǵan,-dep habarlaıdy  Qamshy.kz Matritca.kz-ke silteme jasap.

Áýe qaýipsizdigi qyzmetkeriniń kúmándi ydysty berý týraly talabyn estigen jolaýshy eshqandaı eskertýsiz ony qoqys jáshigine tastaı salǵan. Munyń saldarynan suıyqtyq tógilgen.

Bul aqparat tez arada áýejaı basshylyǵy men qaýipsizdikke jaýap beretin qyzmetterge, Almaty TJ jónindegi qyzmetterge, polısıa men quzyrly organdarǵa habarlandy", - dep málimdedi áýejaı baspasóz qyzmeti.

"Áýejaı qyzmetkerleri men jolaýshylary jedel túrde termınal ǵımaratynan qaýipsiz aımaqqa kóshirildi. Tótenje jaǵdaılar qyzmeti mamandary jolaýshylar termınaly ǵımaratynda suıyqtyqtyń tógilýiniń saldaryn joıý boıynsha barlyq qajetti is-sharalardy jasap jatyr", - dep atap ótti baspasóz qyzmetinde.

Tótenje jaǵdaı saldarynan úsh ishki, úsh halyqaralyq - barlyǵy alty reıs keıinge qaldyryldy.

Baspasóz qyzmetiniń habarlaýynsha, qazirgi tańda Almaty halyqaralyq áýejaıyndaǵy barlyq qyzmetterdiń jumysy qalpyna kelgen.