Astanada QR Jýrnalıser odaǵy tóraǵasy Seıitqazy Mataev pen onyń uly, «QazTAG» HAA-nyń basshysy Áset Mataevtyń isi boıynsha sot otyrysy bastaldy, - dep habarlaıdy Qamshy.kz.
«Sóz bostandyǵy, balama oılaý bolý kerek. Men ony ylǵı aıtyp júrdim. Biraq, men eshqashan oppozısıoner bolǵan emespin», - degen Seıitqazy Mataev sot úkiminen eshqandaı «ǵajaıyp» kútpeıtinin aıtty.
«Eshqandaı «ǵajaıyp» kútpeımiz. Biraq, biz ózimizdi kináli dep sanamaımyz. Biz bul sheshimge de shaǵymdanamyz. Qoldaý bildirip kelgenderge alǵys aıtamyn. Osynsha qıyndyqqa tózgen Ásetke, meniń otbasyma, advokatyma alǵys aıtý kerekpiz», - dedi S. Mataev sot bastalar aldynda.
Sot otyrysyn Azattyq radıosy Feısbýk jelisinde tikeleı efırden kórsetýde.
