Jerleý rásimi ótkennen soń Uzynaǵashta qaıtys bolǵan Jarqynbek Doladanulynyń otbasynyń barlyq músheleri tósek tartyp, aýyryp qalǵan, -dep habarlaıdy Qamshy.kz. informburo.kz-ke silteme jasap. 

13-jastaǵy Jalyn júrek talmasymen jatyr. Al, jigittiń anasy 66 –jastaǵy  Bıǵaısha Bákesh áli kúnge deıin  táýlik boıyna dárigerler qaraýynda. Ol kisige kúnine birneshe ret sıstema qoıýda.

Qaza bolǵan azamttyń jesiri Maırash Sadyrhanqyzy tastaı qatyp qalǵan. Kórshileriniń sózinshe, áli kúnge deıin eshkimge tis jaryp, sóılemegen.  

Qaza bolǵan otbasyna qamqorlyq kórsetýdi  kórshiler óz moıyndaryna alǵan.  

"Jarqynbek úıde turmaıtyn, otbasyn asyraý úshin kún-tún demeı jumys istedi. Qazir qandaı kúıde ekenin kórip otyrsyzdar ǵoı. Kórshileri qoldan kelgenshe kómektesip jatyrmyz. Tamaq pisirip, úılerin jınap, qasyqpen tamaq berip. Ózderine birdeńe etip qoımasa eken dep qorqamyz», -  dep kúrsinedi  kórshileri Nurjan Halyq.

Sharýashylyqqa da kórshiler kómektesýde. "Qaıǵy barsha aýyl turǵyndaryn biriktirdi. Biz osyndaı aýyr kezeńde olardy jalǵyz qaldyrmaımyz dep sheshtik. Bireý as ázirlese, bireý kóńil aıtyp kelgenderdi qarsy alýda, endi biri dárihanaǵa baryp dári alyp kelip júr», - deıdi   Toqtybaı Bahytqalı.

Esterińizge salsaq, 2016 jyldyń 18 qyrkúıeginde Almaty oblysynda aǵaıyndy úsh jigit joǵalyp, keıinnen óli kúılerinde tabylǵan. Marqum bolǵandardyń denelerinen zorlyq belgileri tabylǵan. Olardyń ekeýiniń qylmyskerler basynan atsa, endi bireýiniń keýdesinen atqan. Kúdiktilerdi 2016 jyl qyrkúıektiń 27 quryqtady. Polısıa aqparaty boıynsha, olar Almaty oblysy, Jambyl aýdanynyń turǵyndary. 

Marqumdardyń týystarynyń aıtýynsha, vıza rásimdeý qujattaryna baılanysty, Qadylbektiń Qytaıdaǵy týystary jerleý rásimine kelip úlgermegen.