Maıamıde 24 jastaǵy boıjetken 68 jastaǵy er adamǵa turmysqa shyqqan. Tek úsh aıdan soń ǵana olar bir birimen týys ekenderin bilgen,-dep habarlaıdy Qamshy.kz Stan.kz-ke silteme jasap.

Olar saıt arqyly tanysypty. Er adam birneshe qyzdyń anketasyn qaraǵanyn, al onyń bolashaq jary onyń kózine birden túskenin aıtady, dep jazady Florida Sun Post.

«Men ony alǵash kórgenimde erekshe sezimdi bastan ótkerdim. Sosyn bul qyzdy qaıdan kórdim dep tań qaldym», – deıdi er adam. Olar bir birimen úılengenge deıin otbasylary jaıynda sóz qozǵamapty.

Tek úsh aı ótken soń áıeli kúıeýiniń eski álbomyn aqtaryp otyryp, óz ákesin kórip qalady. Aqyrynda onyń týǵan atasyna turmysqa shyqqany belgili boldy.

Er adam áıelimen ajyrasqan soń burynǵy otbasymen baılanysyn úzgen. Sondyqtan nemeresiniń qandaı ekenin de bilmegen eken. Al, boıjetken de otbasymen aralaspaı ketken. Ol mektepte oqyp júrip júkti bolyp qalǵandyqtan ony ákesi úıinen qýyp jibergen eken.

Alaıda, jubaılar bir-birimen jaqyn týystyǵyna qaramastan ajyrasyp ketpegen. Olar tipti mundaı jaǵdaıdyń da olardy ajyrata almaıtynyn aıtady.