Saýd Arabıasynda musylman qyzy mektepte oqıtyn týǵan inisin asqynǵan aýrýdan arashalap, ózi ómirden ótti, dep habarlaıdy  Qamshy.kz lslam.kz-ke silteme jasap.

22 jasar Rım esimdi qyz 12 jastaǵy inisi Faısaldyń ómiri úshin óz ómiriniń sońǵy saǵatyna deıin kúresti. Jedel túrde inisiniń búıregin aýystyrý úshin kóptegen áleýmettik jelilerge habarlama taratty. Ótinish-tilegi jaýapsyz qalmady. Áskerı salanyń qyzmetkeri jas balaǵa donor bolýǵa kelisim berdi.

«Allaǵa maqtaýlar bolsyn. İnime kómektesýge qol sozyp, siz meniń júregimdi tynyshtandyrdyńyz» dep jazady Rım áskerı azamatqa joldaǵan hatynda.

«Meniń inimniń tiri qalýy úshin óz tánin bólisip, búıregin bergen adam Allanyń qalaýymen onyń saýyǵýyna sebepshi boldy. Alla Taǵala onyń tezirek densaýlyǵy qalpyna kelýin násip etsin» deıdi Rım.

Osy oqıǵalar oraıymen, operasıa sátimen aıaqtalǵannan keıin Faısaldyń ápkesi kútpegen jerden uıqy ústinde dúnıeden ótti.