Qytaı týroperatorlary EKSPO kórmesine 500 myń bılet satyp almaq. Bul týraly búgin Qazaqstan men Reseıdiń XIII óńiraralyq yntymaqtastyq forýmy aıasynda ótken «Qazaqstan Respýblıkasy men Reseı Federasıasy arasyndaǵy týrızmdi damytýdyń jańa múmkindikteri» taqyrybyndaǵy paneldik sesıada «Astana EKSPO-2017» UK» AQ basqarmasy tóraǵasynyń orynbasary Erbol Shormanov málimdedi, - dep habarlaıdy Qamshy.kz QazAqparatqa silteme jasap.
«Jalpy, kórmege 5 mıllıonnan astam kelýshi bolady dep kútýdemiz. Biz arnaıy marketıńtik zertteý júrgizdik. Atalǵan zertteýge sáıkes kelýshilerdiń 85 paıyzyn óz elimizdiń azamattary, al 15 paıyzyn sheteldikter quraıdy»,- dedi ol.
Osy rette tóraǵa orynbasary EKSPO-ǵa keletin týrıser qatarynda Reseı men Qytaı syndy kórshi elderdiń azamattary kóp bolatyndyǵyna úmit artylatyndyǵyn aıtty.
«Qazirgi ýaqytta otandyq 5 týrısik kompanıamen EKSPO-nyń 74 myń bıletin satyp alý boıynsha kelisimshartqa qol qoıdyq. Bul biz úshin óte jaqsy bastama. Onyń odan ary qarqyndy damıtyndyǵyna senim artamyz. Munan bólek, qytaıdyń jetekshi 3 týrısik operatorymen QHR azamattary úshin 500 myń bılet satyp alý boıynsha kelissózderdi aıaqtaýǵa jaqynbyz», - dedi E.Shormanov.
Sonymen qatar ol «Qazaqstan temir joly» ulttyq kompanıasymen de 500 myń bılet satyp alý týraly kelisimshart jasasqan. Bul temir jol bıletteri azamattarǵa EKSPO-ǵa kelýge múmkindik beredi.
«Búgingi kúni 103 memleket pen 17 halyqaralyq uıym EKSPO kórmesine qatysatyndyǵyn resmı rastady. Bul biz úshin zor jaýapkershilik. Osy rette reseılik pavılonnyń kórme aýmaǵynda óte tıimdi jerde, iri saýda ortalyǵyna qatar ornalasqanyn atap ótkim keledi. RF pavılonynyń aýmaǵy 1008 sharshy metrdi quraıdy. Árıne, bul álemdik aýqymdaǵy shara, týrıser legi mol bolady. Biz jyl sońyna deıin, qazannyń aıaǵynda barlyq negizgi qurylys jumystaryn aıaqtaımyz jáne qarashanyń alǵashqy kúnderinen bastap salynǵan pavılondardyń barlyǵyn qatysýshy elderge berýge resmı daıyn bolamyz», - dedi ol.
