Aqordada Qazaqstan prezıdenti Nursultan Nazarbaev reseılik áriptesi Vladımır Pýtındi qabyldady, - dep habarlaıdy Qamshy.kz.

«Sizdi qýana qabyldaımyn, jasaǵan saparyńyz úshin raqmet. Bıyldyqqa biz segizinshi ret kezdesip tur ekenbiz, bul kezdesý de mańyzdy. Sochıde keliskenimizdeı, bizdiń úkimetterimiz jaqsy jumys istedi, búgin eki jaqtan 900 kásipker kezdesedi. Jalpy quny 20 mıllıard dollardan asatyn 40 shaqty birlesken kelisimder jasalady», - dedi Pýtındi kútip alǵan Elbasy.

Elbasy sondaı-aq, eki eldiń shekaralas óńirleri basshylary da kezdesetinin atap ótti.

«Bul ózara senimdi, bizdiń odaqtastyq qatynastarymyzdy bildiredi. Sizge erekshe rızamyn. Sizdiń qanshalyqty qarbalas ekenińizdi kórip otyrmyn. Biraq, saılaý ótkennen keıin deneni bos ustaýǵa bolady emes pe? Joq siz keshe Orynborǵa baryp kezdesý ótkizdińiz... Jigitter jumys isteýi kerek», - dedi N. Nazarbaev áriptesine ázilmen.

Sonymen qatar, N. Nazarbaev V. Pýtındi RF-nyń Memlekettik dýmasy depýtattaryn saılaýdyń sátti aıaqtalýymen quttyqtap, onyń qıyn ýaqyttaǵy úlken jeńis ekenin atap ótti.

«Bul jeńis prezıdenttiń zor bedelin bildiredi», - dedi N. Nazarbaev.

Óz kezeginde V. Pýtın QR prezıdentine shaqyrýy úshin alǵys bildirip, saýda-ekonomıkalyq aınalymda sheshimin kútken birqatar máseleler baryn atap ótti.