Sońǵy ýaqyttaǵy elimizdegi jáne álemdegi qoǵamdyq-saıası  jaıttar ulttyq jáne  memlekettik tanym turǵysynan baǵa berýdi, túsindirýdi qajet etedi. Máselen, aldaǵy ýaqytta resmı túrde qurylatyn Eýrazıalyq Odaq, Qazaqstannyń DSU-na kirý-kirmeýi, elimizdiń aqparattyq keńistigindegi qysymdar, Reseı ultshyldarynyń Qazaqstanǵa qaıta- qaıta shúıligýi t.b. máseleler kóp. Osy jáne ózge de máselelerdi ózek ete otyryp,  "Qamshy" portalynyń ınternet-konferensıasyna belgili saıasattanýshy Rasýl Jumalyny shaqyryp otyrmyz. 

 Rasýl Bereketuly Jumaly  1971 jyly 15 aqpanda Almaty qalasynda dúnıege kelgen. Ál-Farabı atyndaǵy Qazaq Memlekettik ýnıversıtetiniń Shyǵystaný fakúltetin bitirgen. 1992-2007 jyldar aralyǵynda memlekettik qyzmette: Qazaqstan Respýblıkasynyń Syrtqy ister mınıstrliginde jáne Úkimetinde, sondaı-aq Mysyr, Birikken Arab Ámirlikteri, Izraıl, Lıvıa, birqatar basqa memleketterde jumys atqarǵan. 2007 jyldan beri «Eksklúzıv» jýrnalynyń bas redaktory. 150-ge tarta maqalalary men saraptamalyq eńbekteri jaryq kórdi. «Geopolıtıka Sentralnoı Azıı. O bylom ı nasýshnom» atty kitaptyń avtory.

Qurmetti,  oqyrman! Rasýl Jumaly myrzaǵa qoıar suraq, aıtar usynystaryńyz bolsa, marhabat!