Qazaqstanda Qytaı azamattaryna sharýashylyqqa paıdalanylatyn jerdi jalǵa berdi, dep habarlady QR premer-mınıstriniń orynbasary Baqytjan Saǵyntaev. "Jer telimderi tek qytaı azamattaryna ǵana emes, Reseı men basqa shetel azamattaryna berildi" dedi Saǵyntaev QR Prezıdenti janyndaǵy ortalyq komýnıkasıa qyzmetiniń brıfıńinde.
KazTAG aqparatyna súıensek, Saǵyntaev myrza QR jer telimderi kodeksine saı sheteldik azamattar men sheteldik kompanıalarǵa jalǵa jer berý shektelmeıtindigin aıtty. "Biz jekemenshikti satyp otyrǵan joqpyz. Jer telimderi kodeksinde naqty kórsetilgendeı, on jylǵa ǵana jalǵa jer beriledi. Mynadaı mysaldar keltirýge bolady: SHQO jáne Aqmola oblystarynda dál aýyl sharýashylyǵyna arnaıy jer telimderi bólingen bolatyn. Biz ol jerlerdiń kimge jáne qansha jylǵa jáne qansha gektar ekenin bilemiz" dedi úkimet basshysynyń orynbasary. Jer berilgeni týraly ashyq aıtsa da, onyń kimge jáne qansha jer berilgenin jumbaq kúıinde qaldyrdy.
