Bolat Náýkenuly ULTTYQ OILAÝ QABİLETİN JOǴALTPAǴAN QANDASTARǴA SÚIİNEMİN... Mıllıardtan asa qytaı, mıllıondaǵan orys, myńdaǵan muńǵyl sıaqty basqa halyqtardyń ishinde júrip, taǵdyrdyń tálkegine tózgen, ata-AÝYL-rýǵa toptasýdyń arqasynda ǵana TİLİN, ÁDET-ǴURPYN, SALT-DÁSTÚRİN, DİNİN saqtap, Ata jurtqa kóship kelgen qandastarymyzdy kórgende, men QAZAQ bolǵanyma maqtanyp, súıinemin. Biraq, óz elinde, qalyń qazaqtyń ishinde, qazaq tilin bile tura ózara ózge tilde sóılesip, ulttyq oılaý qabiletinen aıyrylǵan qazaqtardy kórgende, men qazaq bolǵanyma uıalyp, kúıinemin. 16 mıllıon birtutas halyqtyń ishinen memlekettik tildi biletin, ulttyq oılaý qabileti joǵary, Elimizdiń tarıhyn, salt-dástúrin,ádet-ǵurpyn, mádenıetin jaqsy biletin tárbıeli-bilimdi myń azamatty, Parlament pen Úkimette jumys isteýge, iriktep ala almaıtyn azamattyq qoǵamymyzdyń 65 paıyzy qazaqtar ekenin oılaǵanda, men qazaq bolǵanyma uıalyp, kúıinemin.
