Irandyq áıelder ǵalamtorǵa hıdjapsyz túsken fotolaryn jarıalaı bastady. Iran Respýblıkasynyń zańy boıynsha, áıel adamdarǵa kóshege jalańbas shyǵýǵa tyıym salynǵan. Sondyqtan, áıelderge hıdjapsyz súretke túsý ázirge tek jasyryn qubylys qana bolyp otyr.
"Jasyryn" (aǵylshynsha - stealthy) dep atalatyn Feısbýk paraqshasynda áıelder oramalsyz sýretterin jarıalaǵan. Nebári 10 kún ishinde bul paraqshaǵa 150 ırandyq qyz-kelinshekterdiń oramalsyz sýretteri salynyp, 148 myń "unaıtyn" pikir alǵan.Alaıda, sýretterdiń kópshiligi tabıǵatta, avtomobıl salonynda jáne basqa da qoǵamdyq emes oryndarda túsirilgen.
Bul áleýmettik paraqshany Masıh Alınejad (Masih Alinejad) esimdi jýrnalıs ashqan. Onyń aıtýynsha, ırandyq áıelder tek zań qatal bolǵany úshin ǵana emes, otbasy qundylyqtaryna ádeppen qaraıtyndyqtan, jumystarynan aıyrylyp qalmaýy úshin jáne qoǵamnyń teris pikirine qalmaýy úshin oranyp júredi. Sondyqtan, az ýaqytqa bolsa da oramaldy sheshkeni - "bostandyq dámin" jasyryn sezinýimen birdeı. Osy sezimdi az ýaqytqa bolsa da sezinýleri úshin jýrnalıs Masıh Alınejad "Jasyryn" Feısbýk tobyn qurǵan eken.
