NASA men Kalıfornıa ýnıversıteti ǵalymdarynyń boljaýynsha, Batys Antarktıda muzdyǵy erýin toqtatpasa álemdik muhıt deńgeıi jaqyn ýaqytta 4,5 metrge deıin kóterilýi múmkin. Mundaı qorytyndyǵa ǵalymdar 40 jyldyq baqylaýdan keıin kelip otyr. Olar Amýndsen teńiziniń aýmaǵyndaǵy Batys Antarktıda muzdaryn tolyq zerttegen. 

Sarapshylardyń aıtýynsha, muzdyqtardyń erý prosesi bastalyp ketken jáne ony toqtatý endi múmkin emes. Proses birneshe júzjyldyqqa sozylady degen boljam da bar. Zertteý nátıjesi kórsetkendeı, erý úderisi ǵalymdardyń kútkeninen de tez júrip jatyr. Sonyń saldarynan aldaǵy onjyldyqta muhıt deńgeıiniń kóterilýi baıqalady deıdi olar. Muzdyqtardyń erýine sebep bolǵan negizgi eki jaıt - ǵalamdyq jylyný men ozon tesigi. Osy faktorlar antarktıdalyq jelderdiń baǵytyn ózgertken. Saldarynan aýa temperatýrasy joǵarylapty. Ǵalymdar óz zertteýinde muzdyń erý dınamıkasyn tolyqqandy zerttep shyqqan. Ol úshin mamandar jerden, ushaqtan jáne spýtnıkten túsirilgen materıaldardy paıdalandy. NASA ǵalymdary budan keıin de Jer klımatynyń ózgerý prosesterin zertteýdi jalǵastyrmaq.

Baq.kz