Taraz qalasyndaǵy «Zapchast elektro-mettallýrgıalyq zaýytynda oqys oqıǵa boldy. Munda metal balqytý jumystary kezinde erigen suıyq metal tógilip, sehta isteıtin jumysshy zardap shekti. 30 jastaǵy jumysshy denesiniń 50 paıyzyn kúıik shalǵan. Ol jedel túrde №2 qalalyq aýrýhanaǵa jetkizildi. Qazir naýqas jan saqtaý bóliminde jatyr. Dárigerlerdiń aıtýynsha beti men denesiniń belden tómengi bóligi tolyqtaı kúıgen. Óndiris ornynda bolǵan oqys oqıǵanyń sebep-saldaryn anyqtaý úshin arnaıy komısıa quryldy.
 
Ábilseıit Sydyqov, Taraz qalalyq №2 aýrýhanasynyń bólim meńgerýshisi: -Búgingi tańǵa onyń jalpy jaǵdaıy turaqty. Biraq óte aýyr. Aýyrlyq jaǵdaıy sol alǵan jaraqatyna baılanysty. Jaraqattary 1, 2, 3, bir jerlerinde 4-shi paıyzǵa deıin, 4-shi stepenge deıin shalǵan.